Don't Miss!
- News TTD: తిరుమలలో ఆ సేవలు రద్దు, శ్రీరాముడి ఊరేగింపుకు ప్రత్యేక ఏర్పాట్లు
- Sports Gautam Gambhir: నిద్రలో కూడా ఆర్సీబీనే కలవరిస్తా..! వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
మరణం అంచుల్లోకి వెళ్లిన హీరోయిన్: ఆ హీరో సహాయం వల్లే...బ్రతికింది!
సల్మాన్ ఖాన్ హీరోగా వచ్చిన 'వీర్గాటి' సినిమాలో నటించిన హీరోయిన్ పూజా దద్వాల్ గురించి ఆ మధ్య మీడియాలో హాట్ టాపిక్ అయిన సంగతి తెలిసిందే. తీవ్రమైన టీబీ వ్యాధి సోకి వైద్యానికి కూడా డబ్బులేని దీనమైన స్థితిలో ఆమె ఉండటం అందరినీ కలిచి వేసింది. మీడియా ద్వారా పూజా విషయం ఆలస్యంగా తెలుసుకున్న సల్మాన్ ఖాన్... ఆమెకు సహాయం అందించారు. తను నిర్వహిస్తున్న 'బీయింగ్ హ్యూమన్' అనే స్వచ్ఛంద సంస్థ ద్వారా సహాయం అందించారు. పూజా ఇపుడు పూర్తిగా కోలుకుంది. త్వరలోనే ఆమెను డిచ్చార్జ్ చేయనున్నట్లు వైద్యులు తెలిపారు.
ఆయన వల్లే బ్రతికాను: పూజ
ఓ ఆంగ్లపత్రికతో పూజా మాట్లాడుతూ... ‘మార్చి 2న నేను తీవ్రమైన టిబీతో ఆసుపత్రిలో చేరినపుడు చనిపోతాను అనుకున్నాను. నా వద్ద అపుడు టీ తాగడానికి కూడా డబ్బులు లేవు. కుటుంబ సభ్యులు, స్నేహితులు నన్ను వదిలేశారు. అలాంటి సమయంలో నాకు సల్మాన్ ఖాన్ సహాయం చేయడానికి ముందుకు వచ్చారు. బట్టలు, సబ్బులు, డైపర్స్, ఫుడ్, మెడిసిన్... ఆయన ఫౌండేషన్ నా విషయంలో చాలా కేర్ తీసుకుంది. నేను ఈ రోజు కోలుకోవడానికి ఆయనే కారణం' అని తెలిపారు.
అంతకు ముందు సల్మాన్ మీద విమర్శలు
అప్పట్లో.... మీడియా ద్వారా పూజా తనకు సల్మాన్ ఖాన్ సహాయం చేయాలని వేడుకోవడంతో ఈ అంశం మరింత హైలెట్ అయింది. అయితే సల్మాన్ నుండి మొదట ఎలాంటి స్పందన లేక పోవడం, రవి కిషన్ లాంటి భోజ్పురి యాక్టర్ ఆమెకు సహాయం చేయడానికి ముందుకు రావడం అప్పట్లో చర్చనీయాంశం అయింది.
తర్వాత స్పందించిన సల్మాన్
గతంలో సల్మాన్ ఖాన్ ‘ద-బాంగ్' టూర్ పేరుతో పూణెలో పర్యటించిన సందర్భంగా ఆయనకు పూజా దద్వాల్ గురించి ప్రశ్నలు ఎదురయ్యాయి. ఈ సందర్భంగా సల్మాన్ ఖాన్ స్పందిస్తూ తనకు ఇప్పుడే ఈ విషయం తెలిసిందని, తప్పకుండా ఆమెకు సహాయం చేస్తానని తెలిపారు.
ఇచ్చిన మాట నిలబెట్టుకున్న సల్మాన్
‘వీర్గాటి' చిత్రంలో పూజా నాకు జతగా నటించలేదు. ఇందులో ఆమె అతుల్ అగ్నిహోత్రికి జోడీగా నటించారు. పూజా గురించి తెలిసి చాలా బాధ పడ్డాను. ఆమెకు సహాయం చేయడానికి మా టీం రంగంలోకి దిగింది. నాకు సాధ్యమైనంత సహాయం చేస్తాను. ఆమె త్వరగా కోలుకుంటుందని ఆశిస్తున్నాను... అని అప్పట్లో సల్మాన్ ఖాన్ మీడియా ముఖంగా ప్రకటించిన సంగతి తెలిసిందే.