అప్పుడు సినిమాను పొగిడి, ఇపుడు దర్శకుడిని తిట్టి... వివాదంలో సమంత!

‘కబీర్ సింగ్' వివాదంలో సమంత

‘కబీర్ సింగ్' మూవీలో హీరో హీరోయిన్‌ను హీరో కొట్టిన సన్నివేశాలపై వివాదం రాజుకుంది. దీనిపై సందీప్ రెడ్డి స్పందిస్తూ... ‘ప్రేమలో ఉన్న ఇద్దరికి ఒకరినొకరు కొట్టుకునే స్వేచ్ఛ లేనపుడు... వారిలో నిజమైన ప్రేమ లేనట్లే' అంటూ వ్యాఖ్యానించారు. అయితే సందీప్ రెడ్డి కామెంట్స్ తనను బాధించాయి అంటూ సమంత తన ఇన్‌స్టాగ్రామ్ స్టేటస్‌లో పేర్కొన్నారు.

సమంత డబల్ స్టాండర్డ్స్ అంటూ...

2017లో ‘అర్జున్ రెడ్డి' సినిమా విడుదలైనపుడు ఈ సినిమా అద్భుతంగా ఉంది అంటూ పొగడ్తలు గుప్పించిన సమంత.....ఇపుడు ‘కబీర్ సింగ్' చిత్రంలో సీన్లపై విమర్శలు చేయడంతో కొందరు సమంత డబల్ స్టాండర్డ్స్, రెండు నాల్కల ధోరణి, ఏ ఎండకు ఆ గొడుగు పట్టేరకం అంటూ కామెంట్స్ చేయడం ప్రారంభించారు.

స్పందించిన సమంత

ఈ అంశంలో తనపై వస్తున్న విమర్శలపై సమంత స్పందించారు. ‘ఒక సినిమాను ఇష్ట పడటం... ఒకరి కామెంటుతో విబేధించడం రెండు భిన్నమైనవి. నాకు ‘అర్జున్ రెడ్డి' కథ బాగా నచ్చింది. ప్రేమించడం అంటే వారిని కొట్టే హక్కు కూడా ఉంది అని జనరలైజ్ చేయడం తగదు' అని స్పష్టం చేశారు.

సమంత ఓ బేబీ

ఈ వివాదం సంగతి పక్కన పెడితే..... ప్రస్తుతం అటు హిందీలో సందీప్ వంగా మూవీ ‘కబీర్ సింగ్' బాక్సాఫీసును రూల్ చేస్తుండగా, ఇటు తెలుగులో సమంత ‘ఓ బేబీ' బాక్సాఫీస్ వద్ద దుమ్మురేపుతోంది. ప్రస్తుతం సోషల్ మీడియాలో ఎక్కడ చూసినా ఈ రెండు సినిమాల గురించి చర్చే సాగుతోంది.