నాకు ఎన్నో అనుమానాలు.. ఆ విషయంలో చైతును విసిగించాను.. ఆ భయం వెంటాడింది: సమంత

సినిమాల ఎంపిక విషయంలో

నా సినిమాల ఎంపిక విషయంలో ఎలాంటి ఇబ్బందులు ఉండవు. దర్శకుడు కథ చెప్పినపుడు అంతా మంచిగానే అనిపిస్తుంది. కథ ఒప్పుకొన్న తర్వాత ఇక నాలో గందరగోళం మొదలవుతుంది. సినిమా షూటింగ్ సమయంలో అనేక అనుమానాలు వెంటాడుతుంటాయి. ఎడిటింగ్ టేబుల్ మీదకు వచ్చే సరికి గందరగోళం మరింత ఎక్కువ అవుతుంది అని సమంత అన్నారు.

మజిలీ రిలీజ్‌కు ముందు నా పరిస్థితి

మజిలీ సినిమా విడుదల ముందు నేను పడిన టెన్షన్ అంతా ఇంతా కాదు. నేను అనుభవించిన ఒత్తిడి మాటల్లో చెప్పలేను. ఈ స్టోరీ ఎంపిక చేసుకొన్నది నేనేనా అనే డౌట్ మొదలవుతుంది. ఈ సినిమా ఆడుతుందా లేదా అనే భయం వెంటాడుతుంది. నేను నటించిన సినిమాలకు ముందు.. ఈ సినిమా గ్యారంటీగా హిట్టవుతుందని ఏనాడు అనుకోలేదు. ప్రతీసారి ప్లాఫ్ భయం వెంటాడుతూనే ఉంటుంది అని సమంత తెలిపారు.

నన్ను ఆ భయం వెంటాడింది

మజిలీ సినిమా విషయంలో ఆ భయం ఎక్కువగా అనుభవించాను. చైతూ, నేను కలిసి నటించిన సినిమా ఫ్లాప్‌ అయిపోతుందేమో అని తెగ భయపడ్డాను. చాలాసార్లు చైతూను విసిగించాను. సినిమా రిలీజ్ తర్వాత వచ్చిన ఫీడ్‌బ్యాక్ తర్వాత ఆ భయం పోయింది. నా జీవితంలో నేను బాగా భయపడిన సినిమాలు బాగా ఆడాయి. సినిమా ఆడుతుందా లేదా అనే విషయంలో నా జడ్జిమెంట్‌ చాలా చెత్తగా ఉంటుంది. అని సమంత వెల్లడించారు.

ఇతర హీరో, హీరోయిన్ల సినిమాల గురించి

నా సినిమాలు తప్ప మిగిలిన హీరోలు, హీరోయిన్లు నటించిన చిత్రాల ఫలితాలు బాగానే ఊహిస్తాను. నేను నటించిన సినిమాపై నాకున్న ప్రేమ అలాంటి భయం వస్తుందని అనుకొంటాను అని సమంత పేర్కొన్నారు. గతేడాది సమంత నటించిన రంగస్థలం, అభిమన్యుడు, మహానటి, యూటర్న్, ఈ ఏడాది సూపర్ డీలక్స్, మజిలీ చిత్రాలు ఘన విజయం సాధించాయి. గత ఏడాది కాలంగా సమంత బ్లాక్‌బస్టర్ హిట్లతో జోరు కొనసాగిస్తున్నది.