Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
టాలెంటెడ్ డైరెక్టర్తో సమంత సినిమా: భయపెట్టిన తర్వాత మొదలెడతాడట
తెలుగులో ప్రస్తుతం ఉన్న హీరోయిన్లలో టాప్ పొజిషన్లో వెలుగొందుతోంది అక్కినేని వారి కోడలు సమంత. 'ఏమాయ చేశావే' సినిమాతో టాలీవుడ్లోకి ఎంట్రీ ఇచ్చిన ఆమె.. చాలా తక్కువ కాలంలోనే తన టాలెంట్ను నిరూపించుకుని స్టార్ హీరోయిన్గా ఎదిగిపోయింది. ఈ క్రమంలోనే తెలుగు, తమిళ భాషల్లో వరుస విజయాలను అందుకుని సత్తా చాటింది. అయితే, ఇటీవల వచ్చిన 'జాను' మాత్రం ఆమెను బాగా నిరాశ పరచడంతో పాటు విజయపరంపరకు బ్రేకిచ్చింది. దీని తర్వాత సామ్ మరో సినిమాను ప్రకటించలేదు.
తాజా సమాచారం ప్రకారం.. సమంత ఓ ప్రాజెక్టుకు గ్రీన్ సిగ్నల్ ఇచ్చిందట. 'అ!', 'కల్కి' వంటి వినూత్న చిత్రాలను తెరకెక్కించి, 'జాంబీ రెడ్డి'తో సరికొత్త ప్రయోగం చేయబోతున్న ప్రశాంత్ వర్మతో ఆమె సినిమా చేయబోతుందట. ఇటీవల సామ్ను కలిసిన సమయంలో అతడు ఓ స్టోరీ లైన్ చెప్పాడట. దానికి బాగా ఇంప్రెస్ అయిన ఈ స్టార్ హీరోయిన్.. వెంటనే ఓకే చెప్పేసిందట. లేడీ ఓరియెంటెడ్ మూవీగా ఇది తెరకెక్కనుందని అంటున్నారు. తన గత చిత్రాల మాదిరిగానే దీన్ని కూడా వినూత్నంగా రూపొందించబోతున్నాడట ప్రశాంత్ వర్మ.
ఇదిలా ఉండగా, ప్రశాంత్ వర్మ తెరకెక్కిస్తోన్న తాజా చిత్రం 'జాంబీ రెడ్డి'. తేజ సజ్జా, దక్ష, ఆనంది ప్రధాన పాత్రలు పోషిస్తున్న ఈ సినిమాను యాపిల్ ట్రీ బ్యానర్పై రాజశేఖర్ వర్మ నిర్మిస్తున్నారు. తెలుగులోనే మొదటి జాంబీ ఫిల్మ్గా రాబోతున్న ఈ సినిమాను కరోనా వైరస్ నేపథ్యంతో తెరకెక్కించారు. తాజాగా అక్కినేని సమంత చేతుల మీదుగా విడుదలైన 'జాంబీ రెడ్డి' ఫస్ట్ బైట్ వీడియోకు భారీ స్థాయిలో స్పందన వస్తోంది. అంతేకాదు, దీనితో సినిమాపై అంచనాలు అమాంతం పెరిగిపోయాయి. దీని తర్వాత సామ్ ప్రాజెక్టు పట్టాలెక్కే అవకాశాలు ఉన్నాయని టాక్.