పాన్ ఇండియా సినిమాలో సమంత.. రెమ్యునరేషన్ నాగ చైతన్య కంటే ఎక్కువే?

Recommended Video

Samantha Fans Demand Apologize From Pooja Hegde

సమంత కూడా.. పాన్ ఇండియా

పాన్ ఇండియా అనేది ఇప్పుడు ప్రతి ఇండస్ట్రీలో వినిపిస్తున్నదే. ముఖ్యంగా తెలుగులో స్టార్ హీరోలు చాలా మంది పాన్ ఇండియా అనేస్తున్నారు. ఇక హీరోయిన్స్ కూడా లేడి ఓరియెంటెడ్ సినిమాలతో వారి టాలెంట్ చూపిస్తున్నారు. అనుష్క తరువాత సమంత కూడా బాలీవుడ్ లో కూడా క్రేజ్ అందుకోవాలని ట్రై చేస్తోంది.

సక్సెస్ అందుకున్న తరువాత..

మజిలీ, ఓ బేబి వంటి డిఫరెంట్ సినిమాలతో బ్యాక్ టూ బ్యాక్ సక్సెస్ లు అందుకున్న తరువాత జాను సినిమాతో అమ్మడు కాస్త డీలా పడింది. ఇక నెక్స్ట్ మంచి కాన్సెప్ట్ లతో క్లిక్కవ్వాలని ప్రయత్నాలు చేస్తున్న తరుణంలో ఫ్యామిలి మ్యాన్ సెకండ్ సీజన్ లో నటించే ఛాన్స్ వచ్చింది. ఆ వెబ్ సిరిస్ సెకండ్ సీజన్ మరికోన్నీ రోజుల్లో ప్రేక్షకుల ముందుకు రానుంది.

బాలీవుడ్ నుంచి మంచి ఆఫర్..

అయితే ఇదే సమయంలో అమ్మడికి బాలీవుడ్ నుంచి మంచి ఆఫర్ దక్కింది. సోని పిక్చర్స్ లో తెరకెక్కుతున్న లేడి ఓరియెంటెడ్ పాన్ ఇండియా సినిమాలో సమంతను ఫిక్స్ చేసినట్లు తెలుస్తోంది. తెలుగు తమిళ్ హిందీ మలయాళం భాషల్లో ఒకేసారి తెరకెక్కనున్న ఆ సినిమాను భారీ బడ్జెట్ తో రూపొందిస్తున్నట్లు సమాచారం.

నాగ చైతన్య కంటే ఎక్కువే..

అయితే దర్శకుడు ఎవరన్నది ఇంకా బయటకు రాలేదు. ఇక సినిమా కోసం సమంత భారీ రెమ్యునరేషన్ అందుకోబోతున్నట్లు తెలుస్తోంది. ఓ విధంగా తన భర్త నాగ చైతన్య కంటే కూడా ఆ ఎమౌంట్ ఎక్కువే అని తెలుస్తోంది. చైతన్య ఒక్కో సినిమాకు 8 నుంచి 10కోట్లు అందుకుంటున్నాడు. ఇక సమంతకు పాన్ ఇండియా సినిమా కాబట్టి 10కోట్ల కంటే ఎక్కువే ఇవ్వనున్నారని సమాచారం.