నీ సినిమా పక్కా ప్లాప్... ఇడియట్ అంటూ విరుచుకుపడ్డ సమంత!

వీరి సంతోషాన్ని భరించలేక

సమంతకు మొదటి నుంచి సింగర్ చిన్మయి డబ్బింగ్ చెబుతున్న సంగతి తెలిసిందే. అయితే తమిళనాడులో ఓ వివాదం కారణంగా కొంతకాలంగా నిషేధం ఎదుర్కొంటున్న చిన్మయి... ఎట్టకేలకు ఈ సినిమా ద్వారా మళ్లీ డబ్బింగ్ చెప్పింది. ఇది సమంత, నందినీ రెడ్డి వల్లే సాధ్యమైందని ఆమె పేర్కొన్నారు. ఈ క్రమంలో కొందరు స్త్రీవాదులు ఈ కన్వర్జేషన్లోకి ఎంటరై... చిన్మయి, సమంత, నందినీ రెడ్డిపై ప్రశంసలు గుప్పించారు. మరింత స్ట్రాంగ్‌గా ముందుకు వెళ్లండి లేడీస్ అంటూ వారిని ప్రోత్సహించారు. స్త్రీవాదులు అంటే వ్యతిరేకమో? లేక వీరి సంతోషాన్ని చూసి తట్టుకోలేక పోయాడో.. ఏమో? ఒక వ్యక్తి ఇందులోకి ఎంటరై నెగెటివ్ కామెంట్స్ చేయడం మొదలు పెట్టాడు.

మీ మూవీ పక్కా ప్లాప్ అంటూ...

‘‘ఫెమినిస్టులు అందరూ ఒకే చోట చేరారుగా... మూవీ పక్కా ప్లాప్'' అంటూ వారిపై విషం చిమ్మే ప్రయత్నం చేశారు. ఈ కామెంటుపై సమంత వెంటనే రియాక్ట్ అయ్యారు. అతడికి తనదైన శైలిలో సమాధానం ఇస్తూ రిప్లై ఇచ్చారు. సమంత రిప్లైకి అభిమానుల నుంచి మంచి స్పందన వస్తోంది

ఇడియట్ అంటూ విరుచుకుపడిన సమంత

మూవీ ప్లాప్ అంటూ అతడు చేసిన కామెంటుపై సామ్ స్పందిస్తూ ‘‘హ్హ హ్హ హ్హ... ధన్యవాదాలు... ఈ ప్రపంచం ఒక ఇడియట్‌ను కలిసింది... ఒక ఇడియట్ ఈ ప్రపంచాన్ని కలిశాడు'' అంటూ తనదైన శైలిలో రిప్లై ఇచ్చింది. అతడికి తగిన సమాధానం ఇచ్చావంటూ అభిమానులు సమంతపై ప్రశంసలు గుప్పించారు.

ఓ బేబీ

‘ఓ బేబీ' సినిమా విషయానికొస్తే... కొరియన్ హిట్ మూవీ ‘మిస్ గ్రానీ' చిత్రానికి ఇది రీమేక్. ఇందులో 20 ఏళ్ల అమ్మాయిగా, 60 ఏళ్ల వృద్దురాలిగా సమంత కనిపించబోతోంది. పీపుల్స్ మీడియా ప్యాక్టరీ, సురేష్ ప్రొడక్షన్స్, గురు ఫిల్మ్స్ సంయుక్తంగా ఈ చిత్రాన్ని నిర్మిస్తున్నారు.