Samantha: 'కింద పడ్డానంతే' అంటూ షాకింగ్ గా సమంత.. లేటెస్ట్ పోస్ట్ వైరల్

హిట్​ పెయిర్​గా రికార్డు..

గౌతమ్ వాసుదేవ్​ మీనన్​ దర్శకత్వంలో నాగ చైతన్య, సమంత జోడిగా నటించి సూపర్ హిట్ కొట్టారు. ఆ సినిమా వారిద్దరికి మంచి పేరు తెచ్చిపెట్టింది. అనంతరం వీరిద్దరు కలిసి అటో నగర్​ సూర్య, మనం, మజిలి వంటి చిత్రాల్లో నటించి హిట్​ పెయిర్​గా రికార్డుకెక్కారు. ఆన్​స్క్రీన్ పైనే కాకుండా రియల్​ లైఫ్​లో సైతం బ్యూటిఫుల్​ కపుల్​గా అందరి దృష్టిని ఆకర్షించారు. నాలుగేళ్ల వైవాహిక జీవితం తర్వాత సడెన్​గా సినీ లోకానికి షాక్​ ఇచ్చారు.

రూ. 250 కోట్ల భరణం తీసుకుందని..

అక్టోబర్​ 2, 2021 తాము విడిపోతున్నట్లు ప్రకటించి నాగ చైతన్య, సమంత ప్రేక్షక లోకాన్ని షాక్​కు గురి చేశారు. ఇక దీని తర్వాత ఎక్కవగా అందరూ సమంతను టార్గెట్​ చేస్తూనే పోస్టులు పెట్టడం, వారికి దీటుగా కౌంటర్​ ఇవ్వడం వంటివి చాలానే జరిగాయి. సమంత రూ. 250 కోట్ల భరణం తీసుకుందని వంటి రూమర్లు చాలా వచ్చాయి. వాటిపై కాఫీ విత్ కరణ్ టాక్ షోలో క్లారిటీ కూడా ఇచ్చింది సామ్.

విడాకుల తర్వాత మరింత యాక్టివ్​గా..

సాధారణంగానే సమంత సోషల్​ మీడియాలో ఎక్కువ యాక్టివ్​గా ఉంటుంది. ఇక నాగ చైతన్యతో విడాకుల తర్వాత మరింత యాక్టివ్​గా ఉండేది. అప్పటినుంచి ఆమె ఏ పోస్ట్​ పెట్టిన, ఎలాంటి కామెంట్​ చేసిన వెంటనే వైరల్​ అయిపోయేది. తను వెళ్లే టూర్​లు, వెకేషన్స్​, మోటివేషనల్​ కొటేషన్స్​, ఫిట్​నెస్​ తదితర విషయాలపై పోస్ట్​లు, వీడియోలు పోస్ట్​ చేసేది సమంత. అలాంటి సామ్ గత కొంతకాలంగా సైలెంట్​ అయిపోయిందని తెలిసిందే.

గర్భసంచి తొలగించుకుందని..

ఆమెకు సంబంధించిన టాక్​ ఏం బయట వినిపించలేదు. అలాగే సోషల్​ మీడియాలో ఎలాంటి పోస్ట్​లు గానీ పెట్టలేదు. అయితే సామ్​.. సోషల్​ మీడియాలో పోస్ట్​ పెట్టిన న్యూసే.. పెట్టకున్న వార్తే అన్నట్లుగా మారింది. అలాంటిది ఆ మధ్య కొన్ని రోజులు సమంత సోషల్ మీడియాలో యాక్టివ్ గా లేదు. అందుకు ఆమె గర్భసంచి తొలగించుకుందని, చర్మ సంబంధిత సమస్యలు రావడంతో ఆస్పత్రిపాలైనట్లు వార్తలు గుప్పుమన్నాయి.

సమంత టీమ్ క్లారిటీ..

కానీ ఆ వార్తలన్ని అవాస్తవమని, అన్ని పుకార్లే అని సమంత టీమ్ క్లారిటీ ఇచ్చింది. దీంతో ఈ రూమర్స్ కు చెక్ పడినట్లయింది. అయితే తాజాగా తన ఇన్ స్టా గ్రామ్ అకౌంట్ లో ఓ పోస్ట్ పెట్టింది గ్లామరస్ బ్యూటి సమంత. ఈ పోస్ట్ లో తన పెంపుడు కుక్క ఫొటో షేర్ చేసింది సామ్. ఈ ఫొటోకు ''డౌన్ నాట్ అవుట్'' అని రాసుకొచ్చింది. అంటే ఇంకా పడిపోలేదని, ఇంకా ఓడిపోలేదని, 'కింద పడ్డాను అంతే.. కానీ, అవుట్ కాలేదు' అని మీనింగ్ వచ్చేలా ఉంది.

విభిన్నమైన క్యాప్షన్స్ తో..

ఈ పోస్ట్.. ఆ కామెంట్ అదే క్యాప్షన్ చూసి షాక్ అవుతారు నెటిజన్లు. ఎందుకు అలా పెట్టారు అంటూ కామెంట్స్ రూపంలో అడుగుతున్నారు. ఇంతకుమందు కూడా ఇలానే విభిన్నమైన క్యాప్షన్స్ తో కొత్త అర్థాలను సమంత చెప్పిన విషయం తెలిసిందే. ప్రస్తుతం ఈ పోస్ట్ సోషల్ మీడియాలో వైరల్ అవుతుంది.

ఓ ఇంటర్నేషనల్​ మూవీకి..

ఇక సమంత సినిమాల విషయానికొస్తే.. సామ్​ వరుసగా పాన్​ ఇండియా మూవీస్​తో ఫుల్​ బిజీగా ఉంది. తెలుగులో యశోద, శాకుంతలం, ఖుషి సినిమాల్లో నటిస్తోంది సామ్. ఈ మూడు చిత్రాలు పాన్​ ఇండియా సినిమాలే కావడం విశేషం. అలాగే హిందీలో ఆయుష్మాన్​ ఖురానా, అక్షయ్​ కుమార్, తాప్సీ ప్రొడక్షన్​లో పలు చిత్రాలకు ఓకే చెప్పిందని సమాచారం. దీంతోపాటు ఓ ఇంటర్నేషనల్​ మూవీకి సామ్​ పచ్చ జెండా ఊపిన విషయం తెలిసిందే.