హరికృష్ణ మరణం: సమంత పొరపాటుకు మూల్యం... గట్టిగా క్లాస్ పీకారు!

సమంత చేసిన తప్పేంటి?

తెలుగునాట సాధారణంగా పెద్దలను పేరు పెట్టి సంబోధించినపుడు గౌరవార్థకంగా పేరు చివర ‘గారు' అనే పదం చేరుస్తారు. అయితే సమంత తన పోస్టులో ‘గారు' అని లేకుండా హరికృష్ణ (#RIPHarikrishna)అని పెట్టడంతో నెటిజన్లు విరుచుకుపడ్డారు.

సమంతకు గట్టిగా క్లాస్ పీకారు

సమంత పోస్టుతో హర్ట్ అయిన నందమూరి ఫ్యాన్స్ ‘పెద్దవాళ్లను గౌరవించడం నేర్చుకో' అంటూ సమంతకు గట్టిగా క్లాస్ పీకారు. కొందరైతే తిట్ల వర్షం కురిపించారు. దీంతో వెంటనే అలర్ట్ అయిన సమంత తన తప్పును సరిదిద్దుకుంది.

తెలియక చేసిన తప్పకు ఇంత రాద్దాంతం ఎందుకు?

సమంత తెలియక తప్పు చేసిందని... ఆమె తెలుగు వ్యక్తి కాకపోవడం వల్ల ఈ పొరపాటు జరిగింది. ఈ విషయాన్ని సున్నితంగా చెప్పాల్సింది. దీనిపై ఇంత రాద్దాంతం చేయాల్సిన అవసరం లేదు. హరికృష్ణగారి మీద గౌరవం ఉండటం వల్లే ఆమె ట్వీట్ చేసిన విషయం గుర్తుంచుకోవాలని కొందరు సమంతకు మద్దతుగా నిలుస్తున్నారు.

నందమూరి హరికృష్ణ

హరికృష్ణ కారు ప్రమాదానికి గురికావడానికి కారణం అతి వేగమే అని పోలీసులు తేల్చారు. ప్రమాద సమయంలో కారు 160 కిలోమీటర్ల వేగంతో వెళుతోందని చెప్పారు. సీటు బెల్టు పెట్టుకుని ఉంటే... ప్రమాద తీవ్రత తగ్గేదని అన్నారు. ఓ వివాహానికి హాజరయ్యేందుకు హైదరాబాదు నుంచి నెల్లూరుకు వెళ్తున్న సమయంలో ఈ ప్రమాదం సంభవించింది. హరికృష్ణ తలకు, శరీరానికి తీవ్ర గాయాలయ్యాయి. నార్కట్ పల్లిలోని కామినేని ఆసుపత్రిలో చికిత్స పొందుతూ మరణించారు. ఆయన భౌతిక కాయాన్ని మెహదీపట్నంలోని నివాసానికి తరలించారు. గురువారం హైదరాబాద్ జూబ్లీహిల్స్ లోని మహాప్రస్తానం స్మశానవాటికలో అంత్యక్రియలు జరుగనున్నాయి.