Don't Miss!
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Sports టీ20 వరల్డ్ కప్లో ధోనీ రీఎంట్రీ: బీసీసీఐ మాస్టర్ ప్లాన్!
- Finance Kotak Mahindra Bank: కొంపముంచి కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ డైరెక్టర్ లైంగికంగా వేధించాడు.. బెదిరించి అలా చేయించాడు.. సంజన ఫైర్
దేశవ్యాప్తంగా మీ టూ ఉద్యమం ఊపందుకొంటున్నది. తమకు జరిగిన అన్యాయాలపై పలువురు సినీ తారలు గళం విప్పుతున్నారు. చిన్మయి, తమిళ యాంకర్ హేమా మాలినికి అందాల తార సంజన తోడైంది. 12 ఏళ్ల క్రితం దర్శకుడితో తనకు జరిగిన చేదు అనుభవాన్ని తాజాగా బయటపెట్టింది. తన మొదటి సినిమా సందర్భంగా దర్శకుడు వేధించిన తీరును మీడియాకు వివరించింది. మీ టూ ఉద్యమం సాగుతున్న నేపథ్యంలో సామాజిక కార్యకర్తగా నా బాధ్యతను నెరవేర్చాలని అనుకొంటున్నాను. ఆమె ఏమన్నారంటే..
నా తొలి సినిమా
12 ఏళ్ల క్రితం గండ హెండతి అనే కన్నడ సినిమాతో నా కెరీర్ ప్రారంభమైంది. హిందీలో ఘన విజయం సాధించిన మర్డర్ చిత్రానికి అది రీమేక్. ముద్దు సీన్ల చిత్రీకరణ సందర్భంగా నన్ను వేధించాడు. అవసరం లేకున్నా నాతో కొన్ని సీన్లు చిత్రీకరించాడు. పైగా నాపై నోరు కూడా పాడేసుకొన్నారని ఆ చేదు ఘటనను నటి సంజన గుర్తు చేసుకొన్నది.
#మీటూ: ఇలాంటి జీవితం నాకొద్దంటూ ఆత్మహత్యాయత్నం!
ముద్దు సీన్ల చిత్రీకరణ
సినిమా షూటింగ్కు ముందు సినిమాలో ఒకటే ముద్దు సీన్ ఉంటుందని చెప్పాడు. మూడు రోజుల తర్వాత కూడా అదే ముద్దు సీన్లను చిత్రీకరిస్తున్నారు. దాంతో ముద్దు సీన్ అయిపోయిందనే విషయాన్ని నేను వారి దృష్టికి తెచ్చాను. అప్పుడు నాపై దారుణంగా అరిచాడు. నానా మాటలు అన్నారని సంజన ఆవేదన వ్యక్తం చేసింది.
నీ సంగతి చూస్తానని
నీవు కొత్త యాక్టర్వి. నీకు ఏమి తెలుసు. నీవు చెప్పినట్టు చేయకపోతే నీ సంగతి చూస్తానని డైరెక్టర్ బెదిరించాడు. అంతేకాకుండా నాతో బలవంతంగా ముందుగా చెప్పని కొన్ని సీన్లు చేయించారు. నేను కావాలనే అలాంటి సీన్లలో నటించానని అందరూ అనుకొన్నారు. ఆ సీన్ల వెనుక ఉన్న వాస్తవం బయటి ప్రపంచానికి తెలియదు అని సంజన వెల్లడించింది.
సినీ పరిశ్రమ ఎంతో ఇచ్చిందని
నేను ఇప్పటి వరకు సుమారు 50కిపైగా దక్షిణాది సినిమాల్లో నటించాను. మహిళలకు సినీ పరిశ్రమ ఎంతో ఇచ్చింది. సినీ పరిశ్రమపై ఎవరైనా విమర్శలు చేస్తే నాకు కోపం వస్తుంది. ఓ మహిళ స్వతంత్రంగా ఎదుగడానికి, ప్రజాదరణ పొందడానికి ఇండస్ట్రీ తోడ్పడుతుంది. అలాంటి సినీ పరిశ్రమను విమర్శించవద్దు అని సంజన తెలిపింది.
కొందరు చెడ్డవాళ్లు లేకపోలేదు.
సినీ పరిశ్రమలో అంతా చెడు ఉందని చెప్పడం సబబు కాదు. అందరూ మంచి వాళ్లే అని చెప్పడం సరికాదు. కొందరు చెడ్డవాళ్లు లేకపోలేదు. ఇలాంటి పరిస్థితులు అన్ని పరిశ్రమల్లోనూ ఉంటాయి. కొందరు చెడు తీరు వల్ల సినీ పరిశ్రమను అవమానించడం తగదు అని సంజన పేర్కొన్నారు.
ఆఫర్లు రావనే కారణంతోనే
నా కెరీర్ ఆరంభంలో ఇలాంటి విషయాలు చెప్పడానికి భయపడ్డాను. ఆఫర్లు రావనే కారణంతో నేను మాట్లాడలేదు. కానీ నేను ప్రస్తుతం ఆర్థికంగా బాగున్నాను. ఒకరు నాకు ఆఫర్లు తిరస్కరిస్తే, మరొకరు నన్ను ఆదుకోవడానికి సిద్ధంగా ఉన్నారు. చాలా మంది ప్రతిభ కారణంగానే అవకాశాలు తెచ్చుకొంటున్నారు. చాలా మంది దర్శకులు, నిర్మాతలు టాలెంట్ ప్రకారమే అవకాశాలు ఇస్తున్నారు అని సంజన తెలిపింది.