ఆయనతో రిలేషన్ గొప్ప అనుభవం.. బ్రేకప్‌పై మంచులక్ష్మితో నోరువిప్పిన శృతిహసన్

మైఖేల్ కోర్సలేతో నా రిలేషన్

మైఖేల్ కోర్సలేతో నా రిలేషన్ బాగానే ఉండేది. జీవితంలో కొన్ని అంచనాలు ఉంటాయి. వారి గురించి ఆలోచిస్తే ముందుకు వెళ్లలేం. నేను చాలా ప్రశాంతంగా మనస్తత్వం నాది. వాస్తవానికి నేను బయటకు కనిపించనట్టు కాకుండా అమాయకురాలినే. బయట ప్రపంచంలో అందరూ నాపై బాస్‌గా వ్యవహరిస్తారు. అలాగే నేను చాలా ఎమోషనల్ పర్సన్‌ను అని శృతిహాసన్ అన్నారు.

మైఖేల్‌తో బ్రేకప్ దురదృష్టకరం

మైఖేల్‌తో బ్రేకప్ దురదృష్టకరం. ఈ దశలో ప్రేమ వైఫల్యం నాకు గొప్ప అనుభవాన్ని కలిగించింది. లవ్‌లో పడటానికి ఫార్ములా ఉండవనే నా అభిప్రాయం. లవ్ అనే ఓ ఫీలింగ్ మాత్రమే. మన టైమ్ బాగుంటే.. అందరూ మంచివాళ్లే. మన టైమ్ బ్యాడ్ అయితే అందరూ చెడ్డవాళ్లుగా కనిపిస్తారు. బ్రేకప్ విషయంలో నేను తప్పు చేశాననే ఫీలింగ్ లేదు. ఓవరాల్‌గా మంచి అనుభవం. జీవితంలో రోజు నేర్చుకొనే ఓ పాఠాల్లో ఒకటి అని శృతి హాసన్ పేర్కొన్నారు.

నాపై ఎలాంటి ప్రభావం

మైఖేల్‌తో బ్రేకప్ నాపై ఎలాంటి ప్రభావం చూపదు. గొప్ప ప్రేమ ఎక్కడ దొరుకుందా అని వెతుకుతూనే ఉంటాను. ప్రేమలో మునిగి తేలిపోవడానికి నేను ఎప్పుడూ ఎదురుచూస్తుంటాను అని శృతిహాసన్ పేర్కొన్నారు. లండన్‌కు చెందిన మైఖేల్ కోర్సలేతో ప్రేమలోపడటం, చెన్నైలో ఓ పెళ్లికి నవదంపతుల్లా హాజరుకావడం మీడియాలో కనిపించిన సంగతి తెలిసిందే.

జీవితం ప్రతీ రోజు ఓ పరీక్షే

జీవితం మనల్ని ఎప్పుడూ ప్రతికూల పరిస్థితులతో పరీక్షిస్తుంది. వాటిని మనం ఎదుర్కొనడమే మనకు ఉన్న ఏకైక లక్ష్యం. ఏదో బ్రేకప్ జరిగిందని ఎవర్నీ దూషించను. నా చుట్టూ చాలా మంచి వ్యక్తులు ఉన్నారు. వారికి నేను మంచి స్నేహితురాలిగా ఉండటమే నా కర్తవ్యం అని శృతిహాసన్ పేర్కొన్నారు.

శృతి కెరీర్‌లో

ప్రస్తుతం శృతిహాసన్ హాలీవుడ్‌లో ట్రెడ్‌స్టోన్‌లో నటిస్తున్నది. అంతేకాకుండా తమిళంలో లాబమ్ చిత్రంలో నటిస్తున్నారు. ఈ చిత్రంలో విజయ్ సేతుపతి సరసన నటిస్తున్నారు. ఈ చిత్రానికి ఎస్పీ జననాథన్ దర్శకత్వం వహిస్తున్నారు. పలు ప్రాజెక్టులు చర్చల దశలో ఉన్నాయి.