Don't Miss!
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- News ఈ అభిమానమే రఘురామ రాజుకు సీటు దూరం చేసింది..!!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నా క్యారెక్టర్ అలాంటిదే: సీక్రెట్ రివీల్ చేసి పుకార్లకు పుల్స్టాప్ పెట్టిన శృతి హాసన్
విశ్వ నాయకుడు కమల్ హాసన్ కుమార్తెగా సినిమాల్లోకి ప్రవేశించినా... ఆకట్టుకునే అందం, అద్భుతమైన నటనతో తనకంటూ ప్రత్యేకమైన గుర్తింపును సంపాదించుకుంది హాట్ బ్యూటీ శృతి హాసన్. చిన్న వయసులోనే సినిమాల్లోకి ఎంట్రీ ఇచ్చిన ఈ అమ్మడు.. చాలా తక్కువ సమయంలోనే స్టార్ హీరోయిన్గా ఎదిగిపోయింది. అప్పటి నుంచి వరుస ఆఫర్లు దక్కించుకుంటూ దూసుకుపోతోంది. ఈ క్రమంలోనే ప్రస్తుతం యంగ్ రెబెల్ స్టార్ - ప్రశాంత్ నీల్ కాంబినేషన్లో రాబోతున్న 'సలార్'లో నటిస్తోంది. తాజాగా ఈ మూవీ గురించి క్లారిటీ ఇస్తూ పుకార్లకు పుల్స్టాప్ పెట్టేసింది.
'సలార్'లో శృతి హాసన్కు కూడా యాక్షన్ సీన్స్ పెట్టారని, ఇందులో ఆమె కొన్ని ఫైట్స్ కూడా చేయబోతుందని కొద్ది రోజులుగా ప్రచారం జరుగుతోంది. ఇలాంటి పరిస్థితుల్లో తాజాగా ఆమె ఓ ఇంటర్వ్యూలో పాల్గొంది. ఈ సందర్భంగా తన క్యారెక్టర్ గురించి క్లారిటీ ఇచ్చింది. 'సలార్ యాక్షన్ సినిమానే అయినా నా క్యారెక్టర్ నుంచి అలాంటివి ఆశించవద్దు. బయట ప్రచారం జరుగుతోన్నట్లు ఇందులో నాకు ఫైట్స్ లేవు. ఈ సినిమాకి సంబంధించి ఒక షెడ్యూల్ పూర్తి చేశాను. ప్రభాస్తో సినిమా చేయడం చాలా బాగుంది. తను నిజంగా చాలా మంచి వ్యక్తి' అంటూ చెప్పుకొచ్చింది.
ఇక, ఈ సంక్రాంతి కానుకగా ప్రేక్షకుల ముందుకు వచ్చిన రవితేజ చిత్రం 'క్రాక్'లో శృతి హాసన్ హీరోయిన్గా నటించింది. ఇందులో ఆమె ఓ ఫైట్ కూడా చేసిన విషయం తెలిసిందే. ఇదిలా ఉండగా, ఆమె విజయ్ సేతుపతి హీరోగా నటిస్తున్న 'లాభం' అనే మూవీలో నటిస్తోంది. ఎస్పీ జగన్నాథన్ తెరకెక్కిస్తోన్న ఈ సినిమా షూటింగ్ చివరి దశకు చేరుకుంది. అలాగే, పవర్ స్టార్ పవన్ కల్యాణ్ నటిస్తున్న 'వకీల్ సాబ్'లోనూ హీరోయిన్గా చేసింది. వీటితో పాటు మరికొన్ని చిత్రాల్లో నటించేందుకు ఇప్పటికే గ్రీన్ సిగ్నల్ ఇచ్చేసింది. మరికొన్ని చర్చల దశలో ఉన్నాయి.