చేతిలో మందు గ్లాస్ పట్టుకొని..స్టైల్‌గా తిప్పుతూ.. విస్కీ బాటిల్‌తో హీరోయిన్ రెజీనా!

తొందరపడిన రెజీనా

శివ మనసులో శృతి (ఎస్ఎంఎస్) అనే తెలుగు సినిమాతో టాలీవుడ్ కి పరిచయమైన రెజినా కాసాండ్రా ఆ తర్వాత కొత్త జంట, రా రా కృష్ణయ్య, పవర్ అనే సినిమాలతో తనకంటూ ఒక ప్రత్యేకమైన ఇమేజ్ ను సంపాదించుకుంది. ఇక ఈ బ్యూటీకి సుబ్రహ్మణ్యం ఫర్ సేల్ సినిమా మంచి బ్రేక్ ఇచ్చింది. ఆ తర్వాత కంటిన్యూ గా ఆఫర్స్ రావడం తో కాస్త తొందరపడి అనవసరమైన సినిమాలను కూడా సెలెక్ట్ చేసుకుంది.

లక్కీ బ్యూటీ..

ఈ బ్యూటీ అదృష్టం ఏమిటో గాని సినిమాల ఫలితాలు ఎలా ఉన్నా కూడా ఆఫర్స్ అయితే చాలానే వస్తున్నాయి. ముఖ్యంగా తెలుగులో అయితే ఒక్క ఏడాదిలో మినిమమ్ మూడు లేదా నాలుగు సినిమాలు చేసుకుంటూ వస్తోంది. ఒకవేళ సినిమాలు అంతగా సక్సెస్ అవ్వకపోయినప్పటికీ కూడా ఆఫర్స్ అయితే బాగానే వస్తున్నాయి ఇక తమిళ ఇండస్ట్రీలో కూడా మంచి ఆఫర్స్ వస్తున్నాయి.

ప్రయోగాత్మకమైన కథలలో

వివాదాల జోలికి వెళ్లకుండా సైలెంట్ గా మీడియం రేంజ్ సినిమాలు చేసుకుంటూ వెళుతున్న రెజీనా అప్పుడప్పుడు కొన్ని ప్రయోగాత్మకమైన కథలలో కూడా నటిస్తోంది. నటిగా తన స్థాయిని కూడా పెంచుకోవాలని కొన్ని చిన్న బడ్జెట్ సినిమాల్లో కూడా స్పెషల్ పాత్రల్లో నటిస్తోంది. అవసరం అయితే ఆ సినిమాలకు బడ్జెట్ ను బట్టే చాలా తక్కువగా రెమ్యునరేషన్ తీసుకుంటున్నట్లు సమాచారం. వీలైనంతవరకు నటిగా తన స్థాయిని పెంచుకోవడానికి ఎక్కువగా ప్రయత్నాలు చేస్తోంది.

Recommended Video

Chakra : Telugu Audience Are Always Says Actor Vishal

రెజీనా చేతిలో మందు గ్లాస్

ఇక ఇటీవల కాలంలో రెజినా కాసాండ్రా ఇతర ప్రమోషనల్ వీడియోలలో కూడా ఎక్కువగా కనిపిస్తోంది. అయితే సోషల్ మీడియాలో అమ్మడు మొదటిసారి ఒక విస్కీ బాటిల్ కు సంబంధించిన ప్రమోషన్ లో కనిపించడంతో ఆమెను ట్రోల్ చేస్తున్నారు. విస్కీ బాటిల్ తో పాటు మందు గ్లాస్ ను కూడా చేతిలో పట్టుకొని అమ్మడు చాలా కూల్ గా కనిపించింది. ఇక ఆల్కహాల్ ను ప్రమోట్ చేయవద్దు అని ఆమె అభిమానులు కాస్త అసహనం వ్యక్తం చేస్తున్నారు. మరి ఆ విషయంపై రెజీనా ఏ విధంగా స్పందిస్తుందో చూడాలి.