హోమ్

హీరోయిన్

అలనాటి అందాల నటి శ్రీదేవి కూతురిగా పరిచయమైనా.. తనకంటూ ప్రత్యేక గుర్తుంపును తెచ్చుకుంది జాన్వీ కపూర్. తల్లి బతికున్నప్పుడే తన వ్యవహార శైలితో దేశ వ్యాప్తంగా హాట్ టాపిక్‌గా మారింది. అందంలో తల్లికి ఏమాత్రం తీసిపోనంతగా ఉండే ఈ అమ్మడు.. తొలి సినిమాలోనే నటనతో మెప్పించి విమర్శకుల ప్రసంశలు అందుకుంది. ఈ ఊపులోనే మరికొన్నిసినిమాలకూ సంతకాలు చేసేసింది. ఇప్పుడు ఆ సినిమా షూటింగులో పాల్గొంటోంది.

మంగళవారం శ్రీదేవి 56వ జయంతి. ఈ సందర్భంగా జాన్వీ కపూర్ తిరుమల వచ్చింది. ఆమె, తన స్నేహితురాలితో కలిసి శ్రీవారి మెట్ల మార్గంలో ఆలయానికి చేరుకున్నారు. అనంతరం ఉదయం వీఐపీ బ్రేక్ దర్శనం సమయంలో శ్రీ వెంకటేశ్వర స్వామిని దర్శించుకున్నారు. ఆ సమయంలో ఆలయ అధికారులు ఆమెకు స్వాగతం పలికారు. ప్రత్యేక పూజలు నిర్వహించిన అనంతరం జాన్మీ కపూర్‌కు స్వామి వారి తీర్థ ప్రసాదాలు అందించారు. ఈ సందర్భంగా ఆమె తల్లి, అలనాటి అందాల నటి శ్రీదేవి ఆత్మకు శాంతి చేకూరాలని శ్రీవారిని కోరుకున్నట్లు తెలిపింది.

తిరుమలకు జాన్వీ కపూర్ లంగావోణీ వేసుకుని వచ్చింది. అక్కడ దిగిన ఫొటోలను తన సోషల్ మీడియా ఖాతాలో షేర్ చేసింది. ఈ మేరకు తన ఇన్‌స్టాగ్రామ్ ఖాతాలో ఈ ఫోటోలను ఉంచి, 'హ్యాపీ బర్త్‌డే మమ్మా, ఐ లవ్ యు' అని క్యాప్షన్ పెట్టింది. ఎప్పుడూ చూడని విధంగా ఇందులో సంప్రదాయ దుస్తుల్లో కనిపించడంతో ఈ ఫొటోలు వైరల్ అవుతున్నాయి.

View this post on Instagram

💚

A post shared by Janhvi Kapoor (@janhvikapoor) on Aug 12, 2019 at 9:33pm PDT

ప్రస్తుతం జాన్వీ కపూర్ 'రూహీ అఫ్జా' అనే సినిమా చేస్తోంది. హార్ధిక్ మెహతా దర్శకత్వం వహిస్తున్న ఈ సినిమాను దినేష్ విజన్, లంబా నిర్మిస్తున్నారు. ఈ సినిమాలో రాజ్‌కుమార్ రావు లీడ్ రోల్ చేస్తుండగా, వరుణ్ శర్మ, రోహిత్ రాయ్, పంకజ్ త్రిపాఠి తదితరులు నటిస్తున్నారు. ప్రస్తుతం షూటింగ్ జరుపుకుంటున్న ఈ సినిమాను 2020 మార్చిలో విడుదల చేయడానికి చిత్ర యూనిట్ సన్నాహాలు చేస్తోంది. అలాగే, 'దోస్తానా 2' సినిమాలోనూ చేస్తోంది.