హోమ్

హీరోయిన్

కింగ్ నాగార్జున త్వరలో నటించబోయే చిత్రం మన్మథుడు 2. మన్మథుడు చిత్రానికి సీక్వెల్ గా యువ దర్శకుడు రాహుల్ రవీంద్రన్ తెరకెక్కించబోతున్నారు. కథ మొత్తం సిద్ధం కావడంతో నాగ్ షూటింగ్ కు గ్రీన్ సిగ్నల్ ఇచ్చినట్లు తెలుస్తోంది. ఈ చిత్రం గురించి తాజగా ఆసక్తికర వార్తలు వినిపిస్తన్నాయి. ఈ చిత్ర షూటింగ్ ఎక్కువ భాగం యూరప్ లో జరగబోతోంది. మన్మథుడు చిత్రం కోసం ఇప్పటివరకు పలువురు హీరోయిన్ల పేర్లు వినిపించాయి.

తాజాగా అందుతున్న సమాచారం ప్రకారం ఈ చిత్రంలో హీరోయిన్ తెలివైన లక్షణాలతో ఉంటుందట. ఆ పాత్రకు రకుల్ ప్రీత్ సింగ్ ని ఎంపిక చేసుకున్నట్లు తెలుస్తోంది. రకుల్ ప్రీత్ అయితే ఈ పాత్రకు బాగా సెట్ అవుతుందని దర్శకుడు భావించాడు. రకుల్ ప్రీత్ పాత్ర మన్మథుడు 2లో ప్రధాన ఆకర్షణగా నిలిచే అవకాశం ఉన్నట్లు తెలుస్తోంది.

ఈ చిత్ర షూటింగ్ ఏప్రిల్ నుంచి ప్రారంభం కానుంది. 2002లో వచ్చిన మన్మథుడు చిత్రంలో త్రివిక్రమ్ అందించిన మాటలు అందరిని విపరీతంగా ఆకట్టుకున్నాయి. రాహుల్ రవీంద్రన్ త్రివిక్రమ్ స్థాయిలో అలరించగలడా లేదా అనేది వేచి చూడాలి.