ఆ కులం దానిని, అలా చేస్తానా? అందరూ అలా అడిగితే ఇబ్బందిగా ఉంది... తమన్నా

డబుల్ రేటుకు ఫ్లాట్

నా ఇంటిని ఎక్కువ రేటు పెట్టి కొనుగోలు చేశాననే వార్త నా దృష్టికి వచ్చింది. నా స్కూల్ టీచర్ కూడా నాకు మెసేజ్ చేసి ఎందుకలా చేశావని అడిగారు. చాలా మందికి సమాధానం చెప్పలేక ఇబ్బంది పడ్డాను. ఇంటికి డబుల్ రేట్ పెట్టడానికి పిచ్చిదానినా? అసలే నేను సింధీ కులానికి చెందిన దానిని. నేను ఎలా రెండింతలు ఎక్కువగా పెట్టి ఇల్లు కొంటానని అనుకొన్నారు అని తమన్నా పేర్కొన్నది. సాధారణంగా సింధీలు డబ్బు విషయంలో చాలా జాగ్రత్తగా ఉంటారని, ప్రాణం పోయినా పైసా పోనివ్వరనే చెప్పుకోవడం తెలిసిందే.

ఎక్కువ రేటుకు కొనలేదని

నా ఇంటికి పెట్టిన ధరపై ప్రతీ ఒక్కరు అడగడం చాలా ఇబ్బంది పడ్డాను. ఇంటికి నేను ఎక్కువ రేటు పెట్టలేదు. ఇంకా ఇంటిలో కొన్ని పనులు పూర్తి కావాల్సి ఉంది. ఆ పనులు పూర్తయిన తర్వాత నా తల్లిదండ్రులతో కలిసి ఆ ఇంట్లోకి వెళ్తాను. నాకు సాధారణ జీవితం గడపటం ఇష్టం. ఇళ్లు మాత్రం ఆర్టిస్టిక్‌గా ఉండాలని కోరుకొంటాను. ఇంట్లో కొన్ని డిజైనింగ్ పనులు కొనసాగుతున్నాయి అని తమన్నా చెప్పింది.

తమన్నా కొత్త ఇంటి వివరాలు

ముంబైలో వెర్సొవాలోని 22 అంతస్తుల ఓ అపార్ట్‌మెంట్‌లో చదరపు ఫీట్ ఒక్కంటికి 80,778 రూపాయలతో ఫ్లాట్‌ను తమన్నా కొనుగోలు చేసినట్టు వార్తలు వచ్చాయి. ఇంటిలో నుంచి ఎటువైపు చూసినా సముద్రం చక్కగా కనిపిస్తుంది. అలాంటి ఇంటిలో భారీగా ఇంటీరియర్ డిజైనింగ్ పనులు కొనసాగుతున్నాయి. తనకు నచ్చిన విధంగా ఇంటిని ఆమె ముస్తాబు చేయిస్తున్నది అని సినీ వర్గాలు వెల్లడించాయి.

తమన్నా భాటియా కెరీర్ గురించి

కెరీర్ పరంగా, రాజుగారి గది3 చిత్రంలో నటించాల్సింది. కానీ స్క్రిప్టు నచ్చలేదనే కారణంతో తమన్నా ఆ సినిమా నుంచి తప్పుకొన్నది. క్వీన్ రీమేక్ చిత్రం ఇంకా విడుదల కావాల్సింది. ఇక హిందీలో బోలే చుడియాన్ అనే చిత్రంలో నవాజుద్దీన్ సిద్ధిఖీ సరసన నటిస్తున్నది. బేలే చుడియా నటన పూర్తిగా ఆస్కారం ఉన్న చిత్రం. నవాజ్ లాంటి హీరోతో నటించడం నాకు చాలా సంతోషంగా ఉంది అని తమన్నా చెప్పింది.