కరోనా సోకింది అనగానే పక్కున నవ్వేసిన పాయల్.. చికిత్స కోసం వెంటనే ఆస్పత్రికి!

Recommended Video

Ravi Teja Silent In Disco Raja Movie Success Press Meet

హాస్పిటల్ లో ఊసరవెల్లి హీరోయిన్..

మంచు మనోజ్ కథానాయకుడిగా నటించిన ప్రయాణం సినిమా ద్వారా తెలుగు ప్రేక్షకులకు పరిచయమైన బ్యూటీ పాయల్ ఘోష్. ఈ బ్యూటీ ఎన్టీఆర్ ఊసరవెల్లి సినిమాలో సైడ్ హీరోయిన్ గా దర్శనమిచ్చిన విషయం తెలిసిందే. అయితే ఇటీవల ఈ బ్యూటీ అస్వస్థతకు గురవ్వడంతో హాస్పిటల్ లో జాయిన్ చేశారు. దీంతో ఆమెకు కరోనా సోకిందని సోషల్ మీడియాలో ఒక రేంజ్ లో వార్తలు వచ్చాయి.

షాకైన సెలబ్రెటీలు..

పాయల్ ఘోష్ కరోనా భారిన పడిందని వార్తలు రాగానే ఒక్కసారిగా అందరూ షాక్ అయ్యారు. మరో సినీ సెలబ్రెటీకి కూడా పాజిటివ్ వచ్చిందని తెలియగానే కొంతమంది సినీ తారలు వెంటనే పాయల్ కి ఫోన్ చేశారట. ఆమె ఆరోగ్య పరిస్థితుల గురించి ఆరా తీసారట. ఇక కొన్ని రోజుల క్రితం ఆమెతో సన్నిహితంగా ఉన్న వారు కూడా ఆందోళన చెందారట.

పక్కున నవ్వేసిన పాయల్..

విషయం తెలుసుకున్న పాయల్ పక్కున నవ్వేసిందట. తాను ఆస్పత్రిలో చేరిన విషయం వాస్తవమేనని అయితే నిజంగా తనకు కరోనా సోకలేదని క్లారిటీ ఇచ్చింది. కావాలంటే రిపోర్ట్స్ పంపిస్తానని చెబుతూ.. తనకు మలేరియా మాత్రమే వచ్చిందని అమ్మడు ఆమె సన్నిహితులకు వివరణ ఇచ్చింది. ఇక మీడియాలో వస్తున్న పుకార్లు అబద్ధమని చెప్పిన పాయల్ నిజానిజాలు తెలుసుకోకుండా ఏవి నమ్మవద్దని తెలిపింది.

బలంగా నమ్ముతున్నా...

ఇక ప్రస్తుత పరిస్థితులపై కూడా ఈ బ్యూటీ తనదైన శైలిలో వివరణ ఇచ్చింది. పాయల్ మాట్లాడుతూ.. 'కరోనా వైరస్ ని అరికట్టేందుకు ప్రభుత్వాలు, డాక్టర్లు అలాగే చాలా మంది మన కోసం కష్టపడుతున్నారు. గతంలో ఎప్పుడు లేని విధంగా పరిస్థితులు కనిపిస్తుండడంతో తప్పకుండా మనం మునుపటిలానే సంతోషంగా ఉండే రోజులు వస్తాయని నేను బలంగా నమ్ముతున్నా' అని ఈ బ్యూటీ వివరణ ఇచ్చింది.