Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
Trisha: రాజకీయాల్లోకి ఎంట్రీపై త్రిష క్లారిటీ.. ఆమె తల్లి సీరియస్
త్రిష.. ఈ బ్యూటిఫుల్ హీరోయిన్ గురించి ప్రత్యేకంగా చెప్పనవసరం లేదు. కోలీవుడ్కు చెందిన ఈ ముద్దుగుమ్మ తెలుగు ప్రేక్షకుల గుండెల్లో నిలిచిపోయింది. టాలీవుడ్కు 'వర్షం'లా వచ్చి.. తెలుగు వారి మనసుల్లో 'నువ్ వస్తానంటే నేనొద్దననంటానా' అన్నట్లుగా ఒక నిండు 'పౌర్ణమి'లా ప్రకాశించింది. 'నీ మనసు నాకు తెలుసు' అని పలు తెలుగు సినిమాల్లో నటించిన త్రిష గతకొంతకాలంగా 'ఆడవారి మాటలకు అర్థాలువేరులే' అన్నట్లుగా సినిమాలకు దూరంగా ఉంటోంది. అయితే తాజాగా ఆమెపై వచ్చిన ఓ వార్తపై క్లారిటీ వచ్చినట్లుగా తెలుస్తోంది. మరి అదెంటో చూద్దామా!
సినిమాలకు దూరం..
తెలుగుతోపాటు తమిళంలోనూ సుమారు అగ్ర హీరోలతో నటించింది త్రిష కృష్ణన్. స్టార్ ఇమేజ్ సంపాదించుకున్న త్రిష గత కొంతకాలంగా సినిమాలకు దూరంగా ఉంటున్న విషయం తెలిసిందే. అయినా ఇటీవల ఆమె పేరు సోషల్ మీడియాలో మారుమోగిపోతోంది.
త్రిష క్లారిటీ..
అందుకు ఒక కారణం ఆమె బ్రేకప్ అయితే మరొకటి త్రిష రాజకీయ రంగప్రవేశం చేస్తుందని. త్రిష ఒక జాతీయ పార్టీలో చేరనుందని, ఓ స్టార్ హీరో ఆమెకు సహకరిస్తున్నారని జోరుగా వస్తున్న వార్తలపై తాజాగా త్రిష స్పందించారు. ఈ విషయంపై క్లారిటీ ఇచ్చారు.
అర్థం కావట్లేదు..
ఓ ఇంటర్వ్యూలో త్రిష పొలిటికల్ ఎంట్రీపై ఆమెను ప్రశ్నించగా.. 'ఇలాంటి వార్తలు ఎక్కడి నుంచి పుట్టుకొస్తాయో నాకు అర్థం కావట్లేదు. నేను రాజకీయాల్లోకి వెళ్లాలనుకోవడం లేదు. అసలు అలాంటి ప్లాన్ ఏం లేదు' అని సమాధానమిచ్చినట్లు సమాచారం.
త్రిష తల్లి సీరియస్..
అలాగే ఈ విషయంపై త్రిష తల్లి ఉమా కృష్ణన్ ఆగ్రహం వ్యక్తం చేశారు. 'త్రిష వరుస సినిమాలతో ఫుల్ బిజీగా ఉంది. తనకు రాజకీయాల్లోకి చేరే ఆలోచిన లేదు. మరిన్ని చిత్రాల్లో నటించేందుకు అగ్రిమెంట్స్పై సంతకం పెట్టనుంది' అని ఆమె తెలిపారు.
పార్టీలోకి ఆహ్వానించలేదు..
అలాగే త్రిష కాంగ్రెస్ పార్టీలో చేరతారన్న వార్తలపై అటు ఆ పార్టీ కూడా స్పష్టతనిచ్చింది. త్రిషను తమ పార్టీలోకి ఆహ్వానించలేదని తేల్చి చెప్పింది. ఇక ఇదిలా ఉంటే ఇటీవల త్రిష 'పరమపదం విలయాట్టు' అనే తమిళ్ పొలిటికల్ థ్రిల్లర్లో నటించింది.
వార్తలు రావండతో..
ఆ తర్వాతే ఆమె రాజకీయ పార్టీలో చేరనున్నట్లు వార్తలు రావడంతో ప్రాధాన్యత సంతరించుకుంది. ఇక ఇదిలా ఉంటే ఆమె తాజాగా మణిరత్నం దర్శకత్వం వహించిన 'పొన్నియన్ సెల్వన్' చిత్రంలో నటించిన విషయం తెలిసిందే.
చాలా గ్రాండ్గా ప్రేక్షకుల ముందుకు..
ఈ చిత్రం తమిళం, తెలుగు, మలయాళం, హిందీ, కన్నడ భాషల్లో ప్రపంచవ్యాప్తంగా సెప్టెంబర్ 30న చాలా గ్రాండ్గా ప్రేక్షకుల ముందుకు రానుంది. ఈ చిత్రంతోపాటు మలయాళంలో 'రామ్', తమిళ్లో 'ది రోడ్' సినిమాల్లో యాక్ట్ చేయనుంది త్రిష.