దుబాయ్‌లో త్రిష.. డాల్ఫిన్లతో జలకాలట. వైరల్‌గా మారిన ఫొటోలు

దక్షిణాది అందాల తార త్రిష షూటింగ్‌లకు బ్రేక్ ఇచ్చి ప్రస్తుతం దుబాయ్‌లో విహారయాత్ర చేస్తున్నది. త్వరలోనే విజయ్ సేతుపతితో కలిసి నటించిన 96 చిత్రం విడుదలకు సిద్ధమవుతున్నది. ఈ నేపథ్యంలో కాస్త గ్యాప్ దొరకగానే వెకేషన్‌కు వెళ్లింది. అక్కడ డాల్ఫిన్ చేపలతో ఎంజాయ్ చేస్తూ సమయాన్ని గడిపింది. ఆ వెకేషన్‌కు సంబంధించిన ఫొటోలను తన ఇన్స్‌టాగ్రామ్‌లో షేర్ చేసింది. ప్రస్తుతం ఆ ఫొటోలు ఇంటర్నెట్‌లో వైరల్‌గా మారాయి.

దుబాయ్‌లో కొన్ని రోజులు ఉండి 96 సినిమా ప్రమోషన్‌ కోసం తిరిగి రానున్నది. ఈ చిత్రం అక్టోబర్ 4న రిలీజ్ కానున్నది. ఈ చిత్రంలో విజయ్ సేతుపతి, త్రిష కాంబినేషన్‌‌కు రిలీజ్‌కు ముందే మంచి ఆదరణ లభిస్తున్నది.

ప్రస్తుతం కోలీవుడ్‌లో సెన్సేషన్ ప్రాజెక్టుగా తెరకెక్కుతున్న పెట్ట చిత్రంలో త్రిషా నటిస్తున్నది. ఈ చిత్రం రజనీకాంత్, కార్తీ సుబ్బరాజు దర్శకత్వంలో రూపొందుతున్నది. ఈ చిత్రంలో బాలీవుడ్ విలక్షణ నటుడు నవాజుద్దీన్ సిద్ధిఖీ కూడా నటిస్తున్నారు.

ఈ చిత్రాల కంటే ముందు మోహిని అనే చిత్రంలో త్రిష చివరిసారిగా నటించింది. వయసు మీద పడుతున్న కొద్ది ఆమె చేతిలో నాలుగైదు ప్రాజెక్టులు ఉండటం గమనార్హం. గార్జనై, శతురంగ వెట్టై2, 1818 చిత్రాల్లో నటిస్తున్నది.