ముందుగానే నెట్ లో మోగుతున్న '50 సెంట్'

ప్రముఖ హాలీవుడ్ పాప్ సింగర్ 50 సెంట్ తాజా ఆల్బమ్ విడుదలకు ముందే నెట్ లో దర్శనమిచ్చేస్తోంది. దీంతో అప్పుడే ఈ ఆల్బమ్ ను చాలా మంది డౌన్ లోడ్ చేసుకొని వినేస్తున్నారట. దీనిపై యం.టి.వి.(MTV News) న్యూస్ కథనం ప్రకారం 50 సెంట్ రూపొందించిన తాజా ఆల్బమ్ 'బిఫోర్ ఐ సెల్ఫ్ డిస్ట్రక్ట్' నెట్ లో డౌన్ లోడ్ చేసుకొనేందుకు వీలుగా ఎవరో అందుబాటులోకి తెచ్చారట. అధికారికంగా నవంబర్ 23న విడుదల కావాల్సిన ఈ ఆల్బమ్ అనధికారికంగా ఇప్పటికే విడుదల అయ్యి అంతటా వినిపిస్తోందట. తొలుత ఈ ఆల్బమ్ ను గత వేసవిలో విడుదల చెయ్యాలనుకున్నా కొన్ని అనివార్య కారణాల వల్ల వాయిదా పడింది. ఈ ఆల్బమ్ కోసం 50 సెంట్ ఎమినమ్, ఆర్ కెల్లీ, డాక్టర్ డ్రీ మరియు నియో వంటి పాప్ స్టార్ లతో జతకట్టడం విశేషం.