హోమ్

హాలీవుడ్

ఇరానియన్ నటి మార్జియా ..ఇరానియన్ సాంప్రదాయాల పై తీవ్రంగా విమర్శలు చేస్తూ “మై తెహ్రాన్ ఫర్ సెల్ “ అనే సినిమా తీసారు. ( తెహ్రాన్, ఇరాన్ రాజధాని ) ఓ నటిగా ఇరాన్ లో ఎలా నెగ్గుకువచ్చింది అనేది ఈ సినిమా కథ. ఈ సినిమాకు సూత్రధారి, పాత్రధారి మార్జియానే. అయితే మతపెద్దలు, సెన్సార్ ఈ సినిమా రిలీజ్ కు అంగీకరించలేదు. కాని సినిమా మాత్రం సీక్రెట్ గా విడుదల అయియంది. దీంతో మొన్న జులై లో మార్జియా ను జైల్లో పెట్టారు. ఆమె తరుపు లాయర్ కూడా ఏమీ చేయలేకపోవటంతో ఈ శిక్ష ప్రకటించారు. తొంభై కొరడా దెబ్బలతో పాటు సంవత్సరం జైలు కూడా ఆమెకు విధించారు. ఈ విషయం వారి దేశం అంతర్గత చట్టాల పరిధుల్లోకి రావటంతో మానవ హక్కుల సంఘాలు వారు కూడా చేతులెత్తేసే పరిస్దితి వచ్చేసింది.

అయితే ఐక్యరాజ్య సమితి వారు ఈ విషయంలో కలగచేసుకుని ఆమెకు న్యాయం జరిపిస్తుందని ఆశిస్తున్నామని ఆమె తరుపు పెట్టుకున్న లాయిర్ అంటున్నారు. ఇక ఈ చిత్రంలో కళ అనేది దేశం కంట్రోల్లో ఎలా నలిగిపోతోందో చూపెట్టటమే తప్పై పోయింది. గవర్నమెంట్ బ్యాన్ పెట్టిన వర్క్ ని ప్రదర్శించమే తప్పని అక్కడ ప్రభుత్వం అంటోంది. ఇక ఈ చిత్రంలో ప్రధానంగా అక్కడ యువత సీక్రెట్ జీవితాన్ని చూపటం జరిగింది.ఇక ఈ చిత్రం అఫీషయల్ గా ఆ దేశంలో ఎక్కడా స్క్రీనింగ్ జరగలేదు కానీ...2009 లోని ఫిల్మ్ ఫెస్టివల్ లో ప్రదర్శించారు.