twitter
    For Quick Alerts
    ALLOW NOTIFICATIONS  
    For Daily Alerts

    ''ది అమేజింగ్‌ స్పైడర్‌ మాన్‌-2'' మొదట మనకే

    By Srikanya
    |

    ‘Amazing Spider-Man 2′ to Open in India Before U.S.
    లాస్ ఏంజిల్స్ : హాలీవుడ్‌ చిత్రం ''ది అమేజింగ్‌ స్పైడర్‌ మాన్‌-2'' సినిమా అమెరికా కన్నా ముందే మనదేశంలో మే 2న విడుదల కానుంది. భారత్‌లో ఇంగ్లీషుతో బాటు హిందీ, తెలుగు, తమిళ భాషల్లో ఈ చిత్రాన్ని 2-డి, 3-డి, ఐమాక్స్‌-3డి వర్షన్లో విడుదల చేస్తున్నారు. స్కూళ్ళకు,కాలేజీలకు సెలవులు కావడం ఈ చిత్ర విజయానికి సహకరిస్తుందని సోనీ పిక్చర్స్‌ యజమాని దారువాలా అభిప్రాయపడుతున్నారు. మే ఒకటవ తేదీని విడుదల తేదీగా నిర్ణయించారు.

    ఈ సినిమా మొదటి వర్షన్‌ తొలుత 2012లో భారత్‌లో విడుదలైనప్పుడు 34 కోట్ల వసూళ్లను నమోదు చేసింది. ఈ సూపర్‌ హీరో మార్వేల్‌ కామిక్‌ చిత్రానికి కొలంబియా పిక్చర్స్‌ తరఫున మార్క్‌ వెబ్‌ దర్శకత్వం నిర్వహిస్తున్నాడు. జేమ్స్‌ వాండర్‌ బిల్ట్‌ తొలుత ఈ చిత్రానికి స్క్రీన్‌ప్లే సమకూర్చగా, దాన్ని అలెక్స్‌ కుర్జ్‌ మ్యాన్‌ తిరగరాశాడు.

    అండ్రూగార్ఫీల్డ్‌, ఎమ్మా స్టోన్‌, కాంప్బెల్‌ స్కాట్‌ ఇందులో ముఖ్య తారాగణం. మనదేశంలో ఈ చిత్రాన్ని మొదట విడుదల చేసాక అమెరికాలో విడుదల చేసే తేదీని ప్రకటిస్తారు. ఈ సినిమాకు రెండు సీక్వెళ్లను నిర్మించాలని కొలంబియా సంస్థ యోచిస్తోంది. మూడో సీక్వెల్‌ చిత్రాన్ని జూన్‌ 2016లో, నాలుగో సీక్వెల్‌ చిత్రాన్ని 2018లో విడుదల చేసే ప్రణాళికను నిర్మాతలు ఖరారు చేసారు.

    ప్రపంచ వ్యాప్తంగా ఈ స్పైడర్ మ్యాన్ చిత్రాలకు గల క్రేజ్‌ను, అంచనాలను దృష్టిలో పెట్టుకోని ఇప్పటివరకు వచ్చిన స్పైడర్ మ్యాన్ చిత్రాలను మరిపించేలా 'ది ఎమేజింగ్ స్పైడర్ మ్యాన్ -2 'ని రూపొందించాం అని అన్నాడు. సోని పిక్చర్స్ ప్రతినిధి ఈ చిత్రం విడుదల గురించి మాట్లాడుతూ స్పైడర్ మ్యాన్ చిత్రాలకు ప్రేక్షకుల్లో గల విశేష్ ఆదరణను దృష్టిలో పెట్టుకోని 'ది ఎమేజింగ్ స్పైడర్ మ్యాన్' సినిమాని తెలుగు, ఇంగ్లీషు, హిందీ భాషల్లో విడుదల చేస్తున్నాం అని అన్నారు. సరిక్రొత్త సాహాస కృత్యాలతో రూపొందించిన ఈ సినిమా అభిమానులకు ఓ అనుభూతిని మిగుల్చుతుంది. టైటిల్‌లో ఉన్న అమేజింగ్ అనే పేరుకు తగ్గట్లే ప్రతి సన్నివేశం ప్రేక్షకుల్ని సంభ్రమాశ్చర్యాలకు లోను చేస్తుంది. ఇప్పటికే మార్కెట్లోకి విడుదలైన ఈ సినిమా ట్రైలర్ అభిమానులను బాగా ఆకట్టుకుంటుంది.

    English summary
    Sony Pictures Entertainment is to release “The Amazing Spider-Man 2″ in India on May 1, a day ahead of the pic’s North American outing. The release will include English, Hindi, Tamil and Telugu versions presented in 2D, 3D and Imax 3D.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X