అమెరికాకు ఎంజలీనా జోలీ, ఇండియాకు ఐశ్వర్యారాయ్

onepoll.com అనే ఓ ప్రయివేట్ వెబ్సయిట్ నిర్వహించిన పోల్ లో అమెరికా ప్రపంచంలో అత్యంత ఆకర్షణీయమైన వ్యక్తులు వున్న దేశంగా ఎంపికయింది. హాలీవుడ్ హాట్ తారలు జార్జ్ క్లోనే, ఏంజలీనా జోలీ, జెన్నిఫర్ అనిస్టాన్, బ్రాడ్ పిట్ లు అమెరికాను అందలం ఎక్కించడానికి దోహదం చేసాయి. ఆ తర్వాతి స్థానంలో బ్రెజిల్ నిలిచింది. హాలీవుడ్ కు మరో అందమయిన తార పెనిలోప్ క్రూజ్ ను అందించిన స్పెయిన్ మూడవ స్థానంలో నిలిచింది.

ఈ పోల్ లో భారత్ 8వ స్థానంలో నిలిచింది. ఇండియాలోనే కాక ప్రపంచ వ్యాప్తంగా తన అందంలో అభిమానులను ఏర్పరచుకున్న ఐశ్వర్యారాయ్ భారత్ కు ఈ స్థానం లభించేందుకు ముఖ్యకారణం అయింది. ఈమెతో పాటు కరీనా కపూర్, కత్రినా కైఫ్ లాంటి బాలీవుడ్ తారలు కూడా ఈ ఘనత సాధించేందుకు దోహదం చేసారు.