అనుపమ్ ఖేర్ 500వ చిత్రానికి దిమ్మతిరిగే ధర

విలక్షణ నటుడు అనుపమ్ ఖేర్ నటించిన 'ది బిగ్ సిక్' అనే హాలీవుడ్ చిత్రానికి సంబంధించిన ఓవర్సీస్ హక్కులను అమెజాన్ స్టూడియోస్ భారీ మొత్తాన్ని చెల్లించి సొంతం చేసుకొన్నది. ఈ చిత్ర హక్కులను పొందడానికి పలు సంస్థలు పోటీపడగా దాదాపు రూ.

81 కోట్లు చెల్లించి అమెరికా రైట్స్ ను అమెజాన్ స్టూడియోస్ దక్కించుకొన్నది. ఈ చిత్రం అనుపమ్ ఖేర్ కు 500వ చిత్రం కావడం విశేషం. అమెరికాకు చెందిన ప్రముఖ రచయిత, నిర్మాత, టీవీ హోస్ట్ ఎమిలీ వీ గార్డన్ రొమాన్స్ జీవిత కథ ఆధారంగా తెరకెక్కింది.

ఇప్పటికే పలు అంతర్జాతీయ చిత్రోత్సవాల్లో ఈ చిత్రం విమర్శల ప్రశంసలందుకున్నది. ది బిగ్ సిక్ చిత్రానికి పాకిస్థాన్ సంతతికి చెందిన కమెడియన్ నంజియానీతో కలిసి స్క్రిప్ట్ ను రూపొందించారు. ఈ చిత్ర హక్కులు రికార్డు స్థాయిలో అమ్ముడు పోవడంపై అనుపమ్ ఖేర్ హర్షం వ్యక్తం చేశారు. రానున్న రోజుల్లో ఈ చిత్రం ఎన్నో సంచలనాలను సృష్టిస్తుందని ఆయన ట్వీట్ చేశారు.