ఊహించలేదు: ఫస్ట్ వీకెండ్ రూ. 670 కోట్ల వసూలు,బాక్సాఫీస్ షేకింగ్!

| Published: Monday, December 10, 2018, 15:53 [IST]

ఆక్వామ్యాన్... కొన్ని రోజులుగా ప్రపంచ వ్యాప్తంగా ఉన్న సినీ అభిమానులు ఆసక్తిగా ఎదురు చూస్తున్న చిత్రం. అమెరికా, ఇండియా కంటే ముందే ఈ చిత్రం చైనాలో విడుదలైంది. డిసెంబర్ 7న డ్రాగన్ దేశపు థియేటర్లలోకి వచ్చిన ఈ చిత్రం ఓపెనింగ్స్ పరంగా అదరగొట్టింది.

డిసెంబర్ మాసంలో చైనాలో హయ్యెస్ట్ టోటల్ సాధించిన చిత్రంగా 'ఆక్వామ్యాన్' రికార్డులకెక్కింది. డిసెంబర్ 7న విడుదవ్వగా తొలి 3 రోజుల్లో 93.6 మిలియన్ డాలర్లు వసూలు చేసింది. అంటే దాదాపు రూ. 670 కోట్లు.

ఆక్వామ్యాన్

జేమ్స్‌ వాన్‌ దర్శకత్వంలో తెరకెక్కిన ఈ చిత్రం ఊహకందని ఓ కొత్త ప్రపంచంలోకి ప్రేక్షకులను తీసుకెళ్లబోతోంది. జేసన్‌ మొమోవా ఈ చిత్రంలో ‘ఆక్వామ్యాన్' పాత్రను పోషించారు. ఇందులో విజువల్ ఎఫెక్ట్స్ ప్రేక్షకులను అబ్బురపరచున్నాయి.

బడ్జెట్ ఎంతో తెలుసా?

‘ఆక్వామ్యాన్' చిత్రాన్ని రూ. 1150 కోట్ల పైచిలుకు బడ్జెట్‌తో తెరకెక్కించారు. ప్రముఖ హాలీవుడ్ సినీ నిర్మాణ సంస్థ వార్నర్ బ్రదర్స్ ఈ మూవీని ప్రపంచ వ్యాప్తంగా గ్రాండ్‌గా విడుదల చేయబోతోంది.

అమెరికాలో భారీ డిమాండ్

అమెరికాలో ఆక్వామ్యాన్ చిత్రం డిసెంబర్ 21న విడుదల కాబోతోంది. యూఎస్ఏలో నెల రోజుల ముందే ఈ మూవీ టిక్కెట్స్ హాట్ కేకుల్లా అమ్ముడయ్యాయి. రిలీజ్ ముందే అత్యధికంగా టికెట్స్ అమ్ముడు పోయిన రికార్డ్ మొన్నటి వరకు ‘అవేంజర్స్-ఇన్ఫినిటీవార్' పేరుతో ఉండగా... ఇపుడు ఆ రికార్డును ‘ఆక్వామ్యాన్' బద్దలు కొట్టింది.

ఇండియాలో డిసెంబర్ 14న...

ఇండియాలో ఇంగ్లిష్‌తో పాటు హిందీ, తెలుగు, తమిళ వెర్షన్లు కూడా విడుదల చేస్తున్నారు. తెలుగు వెర్షన్‌కు ‘సముద్ర పుత్రుడు' అనే టైటిల్ ఫైనల్ చేశారు. డిసెంబర్ 14న ఈ చిత్రం భారతీయ ప్రేక్షకుల ముందుకు రాబోతోంది.

Comments

English summary

Jason Momoa’s DC superhero film Aquaman had a record-breaking opening weekend in China. Over three days, the James Wan directorial grossed 93.6 million dollars, according to The Hollywood Reporter. This is the highest total for any film in December at the Chinese box office.

Story first published: Monday, December 10, 2018, 15:53 [IST]

Other articles published on Dec 10, 2018