Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
'అవతార్ 2' రిలీజ్ డేట్ ఖరారు
లాస్ ఏంజిల్స్: ఆరేళ్ల క్రితం జేమ్స్ కామెరూన్ తెరకెక్కించిన అద్బుతం 'అవతార్'. ప్రపంచవ్యాప్తంగా సినిమా అభిమానులను ఎంత మెప్పించిందో తెలిసిందే. బాక్సాఫీస్ వద్ద కాసుల వర్షం కురిపించిన ఈ సినిమాకు సీక్వెల్ చేస్తానని కామెరూన్ ప్రకటించారు. అయితే అది ఎప్పుడు రిలీజ్ అవుతుందనేది ఇన్నాళ్లూ మిస్టరీగా మిగిలిపోయింది. అయితే అభిమానుల నిరీక్షణ ఫలించనుంది. 2017 క్రిసమస్ కానుకగా ఈ చిత్రాన్ని విడుదల చేస్తారని అఫీషియల్ గా ప్రకటించారు.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
'ఈ చిత్రాన్ని మొత్తం మూడు భాగాలు తెరకెక్కి స్తున్నాం. ఆద్యంతం వినూత్నంగా ఉండే ఈ చిత్రాన్ని 2017 క్రిస్మస్కి విడుదల చేసేందుకు ప్రయత్నిస్తున్నాం' అని కామెరాన్ పేర్కొన్నట్లు న్యూస్ 24 మీడియా తెలిపింది.
ప్రస్తుతం ఈ చిత్రానికి సంబంధించి ప్రీ ప్రొడక్షన్ వర్క్ పూర్తయ్యిందని దర్శకుడు జేమ్స్ కామెరాన్ తెలియజేశారు. 'అవతార్' చిత్రంలో పండోరా గ్రహాన్ని సృష్టించి, సరికొత్త ప్రకృతి అందాలను తెరపై ఆవిష్కరించారు దర్శకుడు జేమ్స్ కామెరూన్. ఆ చిత్రాన్ని ప్రపంచ సినీ అభిమానులు మర్చిపోలేరు. ఇప్పుడా చిత్రానికి సీక్వెల్స్ రెడీ చేస్తున్నారాయన.
2016లో రెండో భాగాన్ని, 2017, 18 సంవత్సరాల్లో మూడు, నాలుగు భాగాలను విడుదల చేస్తున్నట్లు ప్రకటించేశారు కూడా. కానీ, వచ్చే ఏడాది ఈ చిత్రం విడుదలయ్యే అవకాశం లేదట. 2017 డిసెంబర్లో క్రిస్మస్ సందర్భంగా మొదటి సీక్వెల్ను, 2018, 2019 సంవత్సరాల్లో తర్వాతి భాగాలను విడుదల చేస్తామని ఇప్పుడు తాజాగా చెప్పారు కామెరూన్. అంటే 'అవతార్' పార్ట్2 కోసం మరో రెండేళ్లు నిరీక్షించక తప్పదు.