Don't Miss!
- News భారత్లో పెట్టుబడులపై ఎలాన్ మస్క్ యూటర్న్?
- Finance Ola Cabs IPO: త్వరలో ఓలా క్యాబ్స్ ఐపీఓ..
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
పైరసీ కోరల్లో అవెంజర్స్: ఎండ్గేమ్.. తమిళ రాకర్స్ దుశ్చర్య.. వెబ్సైట్లో రెండు రోజుల ముందే లీక్
దేశీయ సినిమాలకే కాకుండా హాలీవుడ్ సినిమాలకు పైరసీ వెబ్సైట్స్ తమిళ్ రాకర్స్ చుక్కలు చూపిస్తున్నది. గత కొద్దికాలంగా సినిమాలను యదేచ్ఛగా పైరసీ చేస్తూ సవాల్ విసురుతున్న తమిళ రాకర్స్ హాలీవుడ్ నిర్మాతలకు షాకిచ్చింది. ప్రపంచవ్యాప్తంగా ఈ సినిమా కోసం ప్రేక్షకులు ఎదురుచూస్తున్న నేపథ్యంలో అవెంజర్స్ సినిమాను లీక్ ప్రపంచవ్యాప్తంగా సెన్సేషన్ క్రియేట్ చేసింది. వివరాల్లోకి వెళితే..
మార్వెల్ సీక్వెల్స్లో చివరి చిత్రంగా
మార్వెల్ సినిమాటిక్ యూనివర్స్ రూపొందించిన మార్వెల్ చివరి సీక్వెల్ అవెంజర్స్: ఎండ్ గేమ్ కావడంతో ప్రేక్షకులకు అత్యంత ఆసక్తిని రేపింది. ప్రపంచాన్ని గుప్పిట్లో పెట్టుకోవాలని చూస్తున్న థానోస్ ఆటలను సూపర్ హీరోలు ఎలా కట్టించారనే కథగా ఈ చిత్రం రూపొందింది. చివరి చిత్రం కావడంతో ప్రేక్షకుల్లో ఉత్సాహం మరింత పెరిగింది. దేశవ్యాప్తంగా భారీగా అడ్వాన్స్ బుకింగ్ జరిగిపోవడంతో తమిళ రాకర్స్ తమ ప్రతాపాన్ని చూపింది.
తమిళ్ రాకర్స్ లీక్
టికెట్ల కోసం తంటాలపడుతున్న ప్రేక్షకులను ఆకట్టుకోవడానికి తమిళరాకర్స్ దుశ్చర్యకు పాల్పడింది. వెబ్సైట్లో అవెంజర్స్: ఎండ్ గేమ్ చిత్రాన్ని రెండు రోజుల ముందే లీక్ చేసింది. కెమెరా ప్రింట్ను వెబ్సైట్లో పెట్టి డౌన్లోడ్ ఆప్షన్ కూడా ఇచ్చింది. అమెరికాలోని లాస్ ఎంజెలెస్లో మంగళవారం జరిగిన ప్రీమియర్స్ నుంచి పైరసీ చేసినట్టు భావిస్తున్నారు. తమిళ్ రాకర్స్ లీక్ వ్యవహారం తాజాగా మరోసారి సినీ వర్గాల్లో చర్చనీయాంశమైంది.
భారీ వసూళ్లకు గండి
అవెంజర్స్: ఎండ్ గేమ్ చిత్రం దేశవ్యాప్తంగా తొలి రోజు రూ.50 కోట్లు వసూలు చేయవచ్చని అంచనా వేస్తున్నారు. దీంతో వారాంతంలో వసూళ్లలో గండిపడే అవకాశం ఉంది. ఇప్పటికే ముంబై, ఢిల్లీ, బెంగళూరు లాంటి నగరాల్లో ఈ చిత్రాన్ని 24 గంటలపాటు వారం రోజులు ప్రదర్శించే ఏర్పాట్లు చేస్తున్నారు.
అమెరికాలో ప్రీమియర్ షో
అమెరికాలోని లాస్ ఎంజెలెస్లో మంగళవారం అవెంజర్స్: ఎండ్ గేమ్ చిత్రాన్ని ప్రీమియర్ షోగా ప్రదర్శించారు. హలీవుడ్ ప్రముఖులు ఈ సినిమాకు పొటేత్తారు. ఈ చిత్రంలో రాబర్ట్ డౌనీ జూనియర్, క్రిస్ ఎవాన్స్, క్రిస్ హెమ్స్వర్త్, మార్క్ రాఫెలో, పౌల్ రుడ్, బ్రీ లార్సన్ తదితరులు నటించారు.