Don't Miss!
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- News దేశ రాజకీయాల్లో ఆ ఘనత సాధించిన ఒకేఒక్కడు పవన్ కళ్యాణ్
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
టైటానిక్ రికార్డులు బ్రేక్.. చరిత్ర సృష్టించిన బ్లాక్ పాంథర్!
ప్రముఖ సినీ నిర్మాణ సంస్థ డిస్నీ, మార్వెల్ స్టూడియో సంయుక్తంగా నిర్మించిన బ్లాక్ పాంథర్ చిత్రం కలెక్షన్లపరంగా చరిత్రను సృష్టిస్తున్నది. చాడ్విక్ బోస్మ్యాన్ నటించిన ఈ చిత్రం ఉత్తర అమెరికాలో రికార్డులు తిరగరాస్తున్నది. గతంలో టైటానిక్ క్రియేట్ చేసిన రికార్డును అధిగమించింది. స్టార్ వార్స్: ది ఫోర్స్ అవేకెన్స్, అవతార్ చిత్రాల తర్వాత మూడో స్థానంలో నిలిచింది.
1.3 బిలియన్ డాలర్లు
బ్లాక్ పాంథర్ చిత్రం హాలీవుడ్ సినీ సాంస్కృతిక అడ్డంకులను అధిగమించింది. బాక్సాఫీస్ రికార్డులను బ్రేక్ చేస్తున్నది. ఫిబ్రవరిలో రిలీజైన ఈ చిత్రం ప్రపంచవ్యాప్తంగా 1.3 బిలియన్ డాలర్లను వసూలు చేసింది.
ఉత్తర అమెరికాలో రికార్డు కలెక్షన్లు
ఉత్తర అమెరికాలో ఈ చిత్రం 659.3 డాలర్లను వసూలు చేసింది. గతంలో స్టార్ వార్స్ చిత్రం 936.7 మిలియన్ డాలర్లు, వసూలు చేయగా, అవతార్ చిత్రం 760.5 మిలియన్ డాలర్లు వసూలు చేశాయి. ఈ రెండు చిత్రాల వసూళ్ల తర్వాత బ్లాక్ పాంథర్ నిలువడం గమనార్హం అని నిర్మాతలు తెలిపారు.
ర్యాన్ కూగ్లర్ రూపొందించిన ..
మార్వెల్ స్టూడియో బ్యానర్లో ఓ ఆఫ్రికన్ అమెరికన్ దర్శకుడు చిత్రాన్ని రూపొందించడం ఇదే తొలిసారి. ర్యాన్ కూగ్లర్ రూపొందించిన ఈ చిత్రానికి ప్రపంచవ్యాప్తంగా విశేష ఆదరణ చూరగొన్నది. కేవలం 26 రోజుల్లోనే 1 బిలియన్ అమెరికన్ డాలర్లను వసూలు చేసింది.
ఏ క్వయిట్ ప్లేస్ హంగామా
ఇదిలా ఉండగా, మరో హారర్ చిత్రం ఏ క్వయిట్ ప్లేస్ హాలీవుడ్లో సందడి చేస్తున్నది. ఈ చిత్రానికి మంచి రివ్యూలు రావడంతో కలెక్షన్లపరంగా దూసుకెళ్తున్నది. అంతేకాకుండా మంచి మార్కెటింగ్ స్ట్రాటెజీ కూడా తోడవ్వడంతో ఉత్తర అమెరికాలో 60 మిలియన్ డాలర్లను వసూలు చేసింది.