Don't Miss!
- Automobiles టోల్గేట్ల వద్ద ఇకపై ఈ బోర్డులు ఉండవు.. కేంద్ర ప్రభుత్వం కీలక నిర్ణయం
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Finance EPFO News: ఉద్యోగులకు గుడ్న్యూస్.. మారిన పీఎఫ్ విత్డ్రా రూల్స్.. ఎంతంటే..??
- News YS Jagan: జగన్ పై దాడి కేసులో ఇద్దరి అరెస్ట్-కాసేపట్లో కోర్టుకు..!
- Technology ధర రూ. 20 వేలలో, వైర్లెస్ ఛార్జింగ్ తో వచ్చే మొట్ట మొదటి ఫోన్! సేల్ ఈ రోజే! ఆఫర్ వివరాలు
- Sports IPL 2024: అంబానీ వల్ల మూడు జట్లు సర్వనాశనం!
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
‘వండర్ ఉమెన్’ ఫేం నటితో రొమాన్స్ చేయబోతున్న ఇండియన్ నటుడు
ఇండియన్ యాక్టర్ అలీ ఫజల్ మరో బంపర్ ఛాన్స్ కొట్టేశాడు. హాలీవుడ్ చిత్రం 'విక్టోరియా అండ్ అబ్దుల్'లో చివరిసారిగా కనిపించిన అలీ ఫజల్ మరో హాలీవుడ్ చిత్రంలో నటించబోతున్నాడు. ఈ సారి 'వండర్ ఉమెన్' ఫేం, హాలీవుడ్ నటి గాల్ గాడోట్తో రొమాన్స్ చేయబోతున్నాడు.
అగాథ క్రిస్టీ రాసిన నవల 'డెత్ ఆన్ ది నైలు' ఆధారంగా రూపొందబోయే చిత్రంలో గాల్ గాడోట్, అలీ ఫజల్ కలిసి నటించబోతున్నారు. ఈ చిత్రానికి కెన్నెత్ బ్రానాగ్ దర్శకత్వం వహించనున్నారు. కెన్నెత్ మొదటి చిత్రం థోర్ సిరీస్, హామ్లెట్, యాస్ యు లైక్ ఇట్, మర్డర్ ఆన్ ది ఓరియంట్ ఎక్స్ప్రెస్తో సహా చాలా ప్రజాదరణ పొందిన, విజయవంతమైన చిత్రాలకు దర్శకత్వం వహించారు.
తను చేయబోయే రెండో హాలీవుడ్ చిత్రానికి సంబంధించిన వార్తను అలీ ధృవీకరించారు. "అవును నేను ఈ అద్భుతమైన ప్రయాణంలో భాగంకాబోతున్నాను, త్వరలోనే సినిమా షూటింగులో జాయిన్ కాబోతున్నాను. మా అమ్మ, నేను అగాథ క్రిస్టీ రాసిన నవలలకు పెద్ద అభిమానులం'' అని తెలిపారు.
నైలు నదిలో క్రూయిజ్ షిప్లో జరిగే కొన్ని మిస్టీరియస్ సంఘటనలపై హెర్క్యులే పైరోట్ చేసిన దర్యాప్తు గురించి ఈ చిత్ర సాగుతుంది. ఒక హత్య కేసు దర్యాప్తు జరుగుతుండగా జరిగిన కొన్ని ఊహించని సంఘటనలు ప్రేక్షకులను ఆశ్చర్యపరిచేలా ఉంటాయని తెలుస్తోంది.
ఈ చిత్రం 20వ సెంచరీ ఫాక్స్ సిరీస్లో భాగం, ఇంతకు ముందు మర్డర్ ఆన్ ది ఓరియంట్ ఎక్స్ప్రెస్ ప్రపంచవ్యాప్తంగా బాక్సాఫీస్ వద్ద సెన్సేషనల్ వసూళ్లు సాధించింది. డెత్ ఆన్ ది నైలు గతంలో 1978లో రూపొందింది. ఇందులో బెట్టే డేవిస్, మాగీ స్మిత్, మియా ఫారో లాంటి దిగ్గజాలు నటించారు.