Oscars 2023 : చెంపదెబ్బ ఎఫెక్ట్​, ఆస్కార్​కు రానన్న క్రిస్​ రాక్​.. నేరం జరిగిన ప్రాంతమంటూ..

విమర్శలు..

2021లో నిర్వహించిన 94 అకాడమీ అవార్డుల ప్రదానోత్సవంలో హోస్ట్​ క్రిస్​ రాక్​ను స్టార్​ హీరో విల్​ స్మిత్​ చెంప దెబ్బ కొట్టడం యావత్​ ప్రపంచ సినీ లోకాన్ని విస్మయానికి గురి చేసింది. ఈ సంఘటనపై అనేక మంది సెలబ్రిటీలు తమ గొంతెత్తి విమర్శించారు. విల్​ స్మిత్​ చేసిన పనికి అకాడమీ పెద్దలు సైతం యాక్షన్​ తీసుకున్నారు. కొన్నేళ్ల పాటు విల్​స్మిత్​ను బహిష్కరించారు కూడా.

నిరాకరించిన క్రిస్ రాక్​..

అయితే తాజాగా ఈ చెంపదెబ్బ ఎఫెక్ట్​ వచ్చే ఏడాది (2023) నిర్వహించే ఆస్కార్ వేడుకలపై పడిందా? అనే అనుమానాలు వస్తున్నాయి. అసలు విషయం ఏంటంటే? 2023 ఆస్కార్​ వేడుకల్లో వ్యాఖ్యాతగా వ్యవహరించేందుకు కమెడియన్​ క్రిస్​ రాక్​ నిరాకరించారని తెలుస్తోంది. ఈ మేరకు పలు కథనాలు వెలువడినట్లు సమాచారం. ఆస్కార్​కు హోస్ట్​గా అలరించాలంటూ క్రిస్​ రాక్​కు తాజాగా ఆఫర్​ వచ్చిందట.

నేర ప్రాంతగా..

ఈ ఆఫర్​ను క్రిస్​ రాక్​ నిరాకరించినట్లు సమాచారం. ఆస్కార్​ వేడుకల ప్రాంతాన్ని నేర ప్రాంతంగా క్రిస్​ రాక్​ అభివర్ణించినట్లుగా అరిజోనా పబ్లిక్​ తెలిపింది. మరోసారి ఆస్కార్​లో హోస్ట్​గా వ్యవహరించాలన్న ఆఫర్​పై ''మరోసారి ఆస్కార్​ వేడుకల్లో పాల్గొనడం అంటే? నేరం జరిగిన ప్రాంతానికి వెళ్లి వచ్చినట్లే ఉంటుంది'' అని అరిజోనాలోని ఆ కామెడీ సెట్​లో క్రిస్​ రాక్ స్పందించినట్లు అరిజోనా రిపబ్లిక్​ వెల్లడించింది.

ఆ పాత్రతో పోలుస్తూ జోక్​..

అలాగే విల్​ స్మిత్​ గురించి ''ఆయన నాకంటే పెద్దవాడు. ఆ ప్రాంత మరోసారి మా మధ్య ఇలాంటి తరహా పోరాటానికి అనుమతించదు'' అని క్రిస్​ రాక్​ తెలిపినట్లు అరిజోనా పబ్లిక్​ పేర్కొంది. కాగా 94వ ఆస్కార్​ అవార్డుల ప్రదానోత్సవంలో భాగంగా ఓ కామెడీ ట్రాక్​ చెబుతూ విల్​ స్మిత్​ సతీమణి జాడా పింకెట్​ ప్రస్తావన తీసుకొచ్చాడు క్రిస్​ రాక్​. ఆమె గుండుతో కనిపించేసరికి, జీఐ జేన్​ మూవీ సీక్వెల్​లో డెమి మూర్​ పాత్ర పోషిస్తున్నారా? అని కామెడీ చేశాడు క్రిస్​ రాక్.

అలోపేసియా కారణంగా..

తన భార్యపై క్రిస్​ రాక్​ జోక్​ వేయడాన్ని సహించలేకపోయిన విల్​ స్మిత్​ వేదికపైనే అతని చెంప పగులగొట్టాడు. అనంతరం ఈ సంఘటనకు సంబంధించి అకాడమీ, సహచరులకు క్షమాపణలు కూడా తెలిపాడు విల్​ స్మిత్. ఆ మరుసటి రోజు తన ఇన్​స్టాగ్రామ్​ ద్వారా క్రిస్​ రాక్​కు బహిరంగంగా క్షమాపణలు తెలిపాడు విల్​ స్మిత్. తన భార్య జాడా పింకెట్​ అలోపేసియా అనే అనారోగ్య సమస్య కారణంగా అలా గుండు చేయించుకుందని, దానిపై జోక్​ వేసే సరికి భరించలేకపోయానని విల్​ వివరణ ఇచ్చాడు.