Don't Miss!
- News బీజేపీ 7వ జాబితా: అమరావతి నుంచి నవనీత్ కౌర్ రాణా పోటీ
- Sports Hardik Pandya: అస్సలు ఊహించలేదు.. ఆ తప్పిదమే మా కొంపముంచింది!
- Lifestyle చాణక్య నీతి ప్రకారం, ఈ తప్పులను నిర్లక్ష్యం చేసిన వారు జీవితంలో ఘోర వైఫల్యాన్ని ఎదుర్కొంటారు...!
- Automobiles కొత్త కాంపాక్ట్ ఎస్యూవీ బసాల్ట్ విజన్ ఎస్యూవీని ఆవిష్కరించిన సిట్రోయెన్
- Technology WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
కరోనా దెబ్బకు హలీవుడ్ విలవిల.. తోకముడిచిన జేమ్స్బాండ్, ఫాస్ట్ అండ్ ఫ్యూరియస్
ప్రపంచ సినిమాపై కరోనా వైరస్ ప్రభావం భారీగానే పడతున్నది. ఇప్పటికే రిలీజ్ కావాల్సిన సినిమాలు వాయిదా పడ్డాయి. అలాగే జరగాల్సిన షూటింగ్స్ వాయిదా పడి బడ్జెట్ పరంగా భారంగా మారబోతున్నాయి. వందల కోట్ల బడ్జెట్తో రూపొందిన హాలీవుడ్ చిత్రాల రిలీజ్ వాయిదా పడటం ఆందోళనకరంగా మారింది. యూనివర్సల్ స్టూడియో రూపొందించిన ఫాస్ట్ అండ్ ఫ్యూరియస్ సిరీస్ ఎఫ్9 చిత్రం ఎప్రిల్ విడుదల కావాల్సింది. అయితే కరోనా పరిస్థితుల కారణంగా దాని విడుదల మే 2020కి వాయిదా పడింది.
అలాగే ఎంజీఎం సంస్థ రూపొందించిన జేమ్స్ బాండ్ మూవీ నో టైమ్ టు డై సినిమా కూడా వాయిదా పడటం అభిమానులకు నిరాశను కలిగిస్తున్నది. కరోనా పరిస్థితుల కారణంగా ఈ సినిమాను దాదాపు ఏడు నెలలు వాయిదా వేయడం తెలిసిందే. ఈ సినిమాను నవంబర్లో రిలీజ్ చేయాలని ప్లాన్ చేస్తున్నారు. మార్వెల్ కథా చిత్రం బ్లాక్ విండ్ కూడా వాయిదా పడింది. ఈ చిత్రం మేలో విడుదల కావాల్సి ఉండగా, నిరవధికంగా వాయిదా వేశారు.
సినిమా రిలీజ్ విషయం పక్కన పెడితే.. పలు షూటింగులు కూడా వాయిదా పడ్డాయి. డిస్నీ రూపొందించే ది లిటిల్ మెర్మాయిడ్, పీటర్ ప్యాన్, హోం ఎలోన్, యూనివర్సల్ సంస్థ రూపొందించే జురాసిక్ వరల్డ్ సినిమాల షూటింగ్ నిరవధికంగా వాయిదా పడ్డాయి.
ప్రస్తుతం అమెరికాలో కరోనావైరస్ కారణంగా పరిస్థితులు దారుణంగా మారాయి. ఎటు చూసినా శ్మశాన వైరాగ్యమే కనిపిస్తున్నది. సినిమా రంగంతోపాటు పలు రంగాల కుదేలయ్యాయి. ఇప్పట్లో అమెరికా కోలుకొనే పరిస్థితి కనిపించడం లేదు. కరోనా ప్రభావం కేవలం అమెరికాపైనే కాదు.. బాలీవుడ్, టాలీవుడ్ రంగాలపై కూడా భారీగా ప్రభావితం చూసే అవకాశాలు భారీగా ఉన్నాయి.