Don't Miss!
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- News రేవంత్కు అందుకే నాపై కక్ష: కాళేశ్వరం, కవిత అరెస్టుపై కేసీఆర్ కీలక వ్యాఖ్యలు
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
హ్యారీ పోట్టర్ హీరో రాడ్క్లిఫ్ కు 'ఏడీహెచ్డీ' రుగ్మత
అయిదేళ్ల వయసులో డేనియల్ రాడ్క్లిఫ్ నటుడవ్వాలని నిశ్చయించుకున్నాడు. పదేళ్ల వయసు వచ్చేసరికి ప్రపంచ ప్రఖ్యాతిపొందిన నటుడయ్యాడు. అంతేకాదు, కొన్నేళ్లలో ఇంగ్లండ్ యువరాజు ప్రిన్స్ చార్లెస్ కన్నా ధనవంతుడయ్యాడు. అతడి బాల్యంనుంచి యవ్వనం వరకూ ఎదుగుదల ప్రపంచం కళ్లముందే జరిగింది. అతడు 'హారీపోటర్'గా ప్రపంచ ప్రఖ్యాతి పొందిన డేనియల్ రాడ్క్లిఫ్. తన మాయాజాలంతో ప్రపంచ ప్రేక్షకులందరినీ మంత్రముగ్ధులను చేస్తున్నాడు.
పదేళ్ల వయసులో బిబిసి నిర్మించిన 'డేవిడ్ కాపర్ఫీల్డ్'లో ప్రధాన పాత్రకు ఎన్నికయ్యాడు. అందరి దృష్టిని ఆకర్షించాడు. తరువాత అతడికి 'హారీపోటర్' సినిమాలో 'హ్యారీ' పాత్ర ధరించే అవకాశం వచ్చింది. అతడి స్క్రీన్ టెస్ట్చూసిన రచయిత్రి రీలింగ్ 'తన హ్యారీ అచ్చు ఇలానే ఉంటాడ'ని వ్యాఖ్యానించింది. 2001లో 'హారీపోటర్ అండ్ ది ఫిలాసఫర్స్ స్టోన్' విడుదలైంది. ప్రపంచవ్యాప్తంగా హ్యారీపోటర్గా డేనియల్ రాడ్క్లిఫ్కు ఆదరణ లభించింది. దాంతో వరసగా ఏడు హ్యారీపోటర్ సినిమాల్లో నటించాడు డేనియల్. ఈ సినిమాల ద్వారా దాదాపుగా 60 మిలియన్ డాలర్లపైగా సంపాదించాడు.
సినిమాలలోనే కాదు నాటకాలలో, టీవీలో నటిస్తూ, నటుడిగా మంచి పేరు సంపాదించాడు. ఇలా 'ది జర్నీ ఈజ్ది డెస్టినేషన్', 'ది వుమెన్ ఇన్ బ్లాక్' వంటి సినిమాల్లో నటించాడు. 2010కల్లా ప్రిన్స్విలియం కన్నా ధనవంతుడుగా గుర్తింపు పొందాడు హ్యారీపోటర్ డేనియల్ రాడ్ క్లిఫ్. దేవుడిని నమ్మని డేనియల్ రాడ్ క్లిఫ్ తాను ధనవంతుడినయినా తనకు పుస్తకాలు కొనడం తప్ప మరో ఖరీదైన అలవాటు లేదంటాడు.
సచిన్ తెండూల్కర్ ఆటోగ్రాఫ్ కోసం క్యూలో నిల్చున్న డేనియల్ రాడ్క్లిఫ్, పేద బాలలకు సేవ చేసే సంస్థలకోసం విరివిగా విరాళాలిస్తాడు. గేటీన్లలో ఆత్మహత్యలను అరికట్టాలని ప్రయత్నించే 'ది ట్రెవర్ ప్రాజెక్టు'లో పనిచేస్తూ ఎంతోమంది యువకులను ప్రభావితం చేస్తున్నాడు. అతడి పనితీరుకు 'హారీ' అవార్డు పొందాడు. ఈ రకంగా అటు తెరపైనే కాదు నిజ జీవితంలోనూ హీరోగా గుర్తింపు పొందుతున్నాడు హ్యారీపోటర్ డేనియల్ రాడ్ క్లిఫ్.