For Quick Alerts
    ALLOW NOTIFICATIONS  
    For Daily Alerts

    అసాంఘిక శక్తులకు చిక్కిన కొడుకుని రక్షించుకున్న హీరో

    By Srikanya
    |

    లాస్ ఏంజిల్స్ : బ్రూస్ విల్లీస్ చిత్రాలకు ప్రపంచ వ్యాప్తంగా ఫ్యాన్స్ ఉన్నారు. దానకి తోడు జైకర్ ట్లీ వంటి మరో స్టార్ జతకూడితే ఆ క్రేజే వేరు. వీరిద్దరి కాంబినేషన్ లో రూపొందిన 'డై హార్డ్-5'చిత్రం విడుదలకు సిద్దంగా ఉంది. 'డై హార్డ్' సిరీస్‌లో అయిదవ భాగంగా రూపొందిన ఈ చిత్రంపై భారీ అంచనాలే ఉన్నాయి. బ్రూస్ విల్లీస్, జైకర్‌ట్లీ ప్రధాన పాత్రలు పోషించారు. 'ది ఉమెన్'ఫేం జాన్‌మూర్ దర్శకత్వం వహించారు.

    కథ ప్రకారం రష్యాలోని అసాంఘిక శక్తులకు చిక్కి ప్రాణభీతితో కొట్టుమిట్టాడుతున్న తన తనయుడ్ని ఓ తండ్రి ఎలా కాపాడుకున్నాడు?

    ఆ క్రమంలో ఎదుర్కొన్న ప్రాణాంతక సవాళ్లను ఎలా ఎదుర్కొన్నాడు? అనే ప్రశ్నలకు సమాధానంగా రూపొందిన హాలీవుడ్ చిత్రం ప్రపంచ వ్యాప్తంగా భారీ అంచనాలతో విడుదల అవుతోంది. ముఖ్యంగా డై హార్డ్ సీరిస్ కు సీక్వల్ కావటం కూడా ఈ సినిమాకు ఉన్న ప్లస్ పాయింట్.

    ఫాక్స్‌స్టార్ స్టూడియోస్ ద్వారా తెలుగు, హిందీ, ఇంగ్లిష్ భాషల్లో 2డీ వెర్షన్‌లో తెలుగునాట ఈ సినిమా విడుదల కానుంది. ఈ సందర్భంగా సంస్థ ప్రతినిథి మాట్లాడుతూ -''ప్రపంచవ్యాప్తంగా 'డై హార్డ్' సిరీస్‌కి అభిమానులు ఉన్నారు. వారి అంచనాలకు తగ్గట్టుగా ఈ సినిమా ఉంటుంది. ఇందులోని యాక్షన్ సన్నివేశాలు ప్రేక్షకుల్ని రోమాంచితుల్ని చేస్తాయి. అడ్వంచరస్ చిత్రాలను ప్రేమించే ప్రేక్షకులకు ఈ సినిమా ఓ విందుభోజనం. ఈ నెలాఖరున చిత్రాన్ని విడుదల చేస్తాం'' అని తెలిపారు.

    యాక్షన్ ఎడ్వంచర్ చిత్రాలకు పెట్టింది పేరైన హాలీవుడ్ చిత్ర సీమ నుంచి మరో భారీ యాక్షన్ ఎడ్వంచర్ చిత్రం తెలుగు ప్రేక్షకుల ముందుకు రాబోతోంది. గతం వచ్చిన డైహార్డ్ చిత్రం 4 సిరీస్‌లు మంచి విజయం సాధించిన నేపథ్యంలో తాజాగా 5వ భాగాన్ని 'ఎ గుడ్ డే టు డై హార్డ్' అనే పేరుతో రూపొందించారు. ఈచిత్రం అమెరికా, కెనడాల్లో ఫిబ్రవరి 14న విడుదల కానుంది. ఈ నెలాఖరుకు ఈ సినిమాను ఇండియాలో విడుదల చేసేందుకు సన్నాహాలు చేస్తున్నారు.తెలుగులో ఈ చిత్రానికి సంబంధించిన డబ్బింగ్ కార్యక్రమాలు ప్రస్తుతం జరుగుతున్నాయి. ఈ చిత్రానికి స్క్రీన్ ప్లే : స్కిప్ వుడ్స్, సంగీతం : మాక్కో బెల్ట్రామి, సినిమాటోగ్రఫీ : జొనాథన్ సేలా, నిర్మాతలు : అలెక్స్ యంగ్, పీటెర్ వెవెర్కా, దర్శకత్వం : జాన్ మూర్.

    English summary
    Die Hard-5 is a 2013 American action film directed by John Moore and written by Skip Woods. It is the fifth installment of the Die Hard film series. Bruce Willis reprises the lead role of John McClane, who travels to Russia to help his estranged son, Jack (Jai Courtney), out of prison, but is soon caught in the crossfire of a terrorist plot.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X