ఫోటోలు: ప్రియురాలిని పెళ్లాడిన డ్వేన్ జాన్సన్(ది రాక్)

ఇంటివాడైన డ్వేజ్ జాన్సన్

ఈ కండల వీరుడి గురించి అభిమానులకు ఒక గుడ్ న్యూస్. ది రాక్ పెళ్లి వేడుక ఆదివారం ఘనంగా జరిగింది. హవాయి ద్వీపంలో తన ప్రియురాలు లురెన్ హషియన్‌ను వివాహం చేసుకున్నాడు. ఈ విషయాన్ని వెల్లడిస్తూ ఇన్‌స్టాగ్రామ్ పేజీలో ఫోటోలు షేర్ చేశారు.

భార్యను ముద్దాడుతూ...

తన పెళ్లి విషయాన్ని వెల్లడిస్తూ రాక్ రెండు ఫోటోలు షేర్ చేశారు. ఒక దాంట్లో ఇద్దరూ తమ వెడ్డింగ్‌ను సెలబ్రేట్ చేసుకుంటూ ఆనందంగా కనిపించారు. మరొక ఫోటోలో భార్యను ముద్దాడుతూ ఫోజులు ఇచ్చారు. ప్రపంచ వ్యాప్తంగా ఉన్న రాక్ అభిమానులు నూతన దంపతులను విష్ చేస్తూ కామెంట్ల వర్షం కురిపించారు.

గంటలోనే 50 లక్షల లైక్స్

డ్వేన్ జాన్సన్ ఈ ఫోటోలు షేర్ చేసిన గంటలోపే దాదాపు 50 లక్షల మంది అభిమానులు లైక్స్, కామెంట్లతో ముంచెత్తారు. ఇన్‌స్టాగ్రామ్‌లో వీరి పెళ్లి టాపిక్ వరల్డ్ వైడ్ ట్రెండింగ్‌ అవుతోంది. ఇన్‍‌స్టాలో ఈ హాలీవుడ్ స్టార్‌కు 154 మిలియన్ల పాలోవర్స్ ఉన్నారు.

12 సంవత్సరాలుగా సహజీవనం

డ్వేన్ జాన్సన్ వయసు 47 సంవత్సరాలు. ఇది ఆయనకు రెండో వివాహం. 1997లో డానీ గార్సియాను పెళ్లాడిన డ్వేన్ జాన్సన్ 2007లో విడిపోయాడు. 2007 నుంచి ప్రియురాలు లురెన్ హషియన్‌‌తో సహజీవనం చేస్తున్నాడు. దాదాపు 12 ఏళ్ల లివ్ ఇన్ రిలేషన్ తర్వాత ఇద్దరూ పెళ్లి చేసుకున్నారు.