కోట్లు ఖర్చు పెట్టారు: చెత్త సినిమా అంటూ రివ్యూలు, దారుణమైన రేటింగ్స్..

ఆకట్టుకోని కథాంశం

‘ఫెంటాస్టిక్ బీస్ట్స్- ది క్రైమ్స్ ఆఫ్ గ్రిండల్‌వాల్డ్' కథ ఆకట్టుకోలేదని.... ఇప్పటి వరకు జెకె రోలింగ్ నుంచి వచ్చిన కథలన్నింటికంటే వరస్ట్‌గా ఉందంటూ పలువురు సినీ విమర్శకులు తమ రివ్యూల్లో ఏకి పారేశారు.

దారుణమైన రేటింగ్

పలు అంతర్జాతీయ సినీ వెబ్ సైట్లు ఈ చిత్రానికి 2/5 కంటే ఎక్కువ రేటింగ్ ఇవ్వలేదు. స్క్రీన్ ప్లే కూడా ప్రేక్షకులకు బోర్ కొట్టించే విధంగా ఉందని అంటున్నారు. ఈ నేపథ్యంలో సినిమాకు బాక్సాఫీసు వద్ద రెస్పాన్స్ ఎలా ఉంటుంది? అనేది చర్చనీయాంశం అయింది.

రూ. 1436 కోట్ల బడ్జెట్

ఈ చిత్రాన్ని 200 మిలియన్ డాలర్స్ (రూ. 1436 కోట్లు) బడ్జెట్‌తో తెరకెక్కించారు. సినిమా టాక్ చూస్తుంటే బాక్సాఫీసు వద్ద ప్లాప్ అయ్యే అవకాశం ఉందని అంటున్నారు. మరి ప్రేక్షకుల నుంచి ఎలాంటి స్పందన వస్తుందో చూడాలి.

ఫెంటాస్టిక్ బీస్ట్స్- ది క్రైమ్స్ ఆఫ్ గ్రిండల్‌వాల్డ్

ఈ చిత్రానికి డేవిడ్ యేటెస్ దర్శకత్వం వహించారు. ఎడ్డీ రెడ్మేనే, క్యాథరిన్ వాటర్స్టన్, డాన్ ఫాగ్లెర్, అలిసన్ సుడోల్, ఎజ్రా మిల్లెర్, జోయె క్రవిట్జ్ ముఖ్య పాత్రలు పోషించారు. వార్నర్ బ్రదర్స్, హేడే ఫిల్మ్స్ ఈ చిత్రాన్ని నిర్మించాయి.