Don't Miss!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఫ్రోజెన్కు సీక్వెల్ అవసరమా? ఆమెకు అతీంద్రియ శక్తులు ఎలా వచ్చాయి?
మ్యూజికల్ ఫాంటసీ చిత్రంగా 2013లో రూపొందిన ఫ్రోజెన్ చిత్రం ప్రపంచవ్యాప్తంగా అద్భుతమైన విజయాన్ని సొంతం చేసుకొన్నది. ప్రేమకు కొత్త నిర్వచనం చెప్పడమే కాకుండా, ఊహాజనిత సాహసగాధకు సరికొత్త రూపంగా నిలవడమే కాకుండా హీరోయిన్కు సంబంధించిన భావనలను కూడా ఈ చిత్రం కొత్తగా నిర్వచించింది. సుఖాంతంగా నిలిచే ఈ చిత్రానికి సీక్వెల్ అవసరమా అంటే దర్శక, రచయిత జెన్నీఫర్ చెప్పిన విషయం ఇలా ఉంది.
ఒకవేళ ఫ్రోజెన్ సుఖాంతంతో కూడిన చిత్రమని అనుకొంటే.. ఫ్రోజెన్ 2 కూడా అదే కోవలోకి వస్తుంది. జీవన ప్రయాణం అదే విధంగా సాగిపోతుంటుంది. అద్భుతమైన ఫీలింగ్ను నీ హృదయంలో వదలివెళ్తుంది. ప్రపంచంలో నీ ఉనికిని చాటుకోవడానికి చేసే సరైన పంథాలో పోరాటాన్ని నేర్పుతుంది. ఈ చిత్రం వినోదం, హాస్యంతో కూడిన ఎమోషనల్ స్టోరీ ఇంది.
ఫ్రోజెన్ మూవీలో కొన్ని ప్రశ్నలకు సమాధానం లభించకుండానే ఉంటాయి. సిస్టర్స్ ఎల్సా, అన్నా తల్లిదండ్రులు ఎవరు? ఓడ ప్రమాదానికి గురైనప్పుడు వారు ఎక్కడికి వెళ్తున్నారు? అతీంద్రియ శక్తులతో ఎల్సా ఎందుకు పుట్టిందనే ప్రధానమైన ప్రశ్నగా ప్రేక్షకులను వెంటాడుతుంది.
ఇలాంటి సమాధానం లేని ప్రశ్నలే రచయితలను మరోసారి సిస్టర్స్ ఎల్సా, అన్నా గురించి రాసేందుకు అవకాశం లభించింది. అందర్నీ ఆకట్టుకొనే పర్వతారోహకుడు క్రిస్టాఫ్, మంచు కొండల్లో జీవిస్తూ వేసవి కోసం పరితపించే ఓలాఫ్ గురించి తెలియని విషయాలను ఈ సీక్వెల్ వివరిస్తుంది.
ఇక నిర్మాత పీటర్ డెల్ వెచో మాట్లాడుతూ.. ఫ్రోజెన్లోని క్యారెక్టర్లు చాలా ఆసక్తిగా మనకు మధురమైన అనుభూతిని అందిస్తుంది. అలాంటి ఫీల్గుడ్ కథ గురించి ఇంకా ఎన్నో విషయాలు తెలుసుకోవాల్సి ఉంది అని అన్నారు.
డైరెక్టర్ బుక్ మాట్లాడుతూ.. ఫ్రోజెన్ చిత్రంలో ఓ ప్రపంచం ఈ క్యారెక్టర్ల కోసం ద్వారాలు తెరిచింది. ఎల్సా, అన్నా పాత్రలు తమ ఉనికి, అస్థిత్వం గురించి తెలుసుకొనే ప్రయత్నం చేస్తాయి. ఈ కథలో వారిద్దరూ కాలేజీ విద్యను పూర్తి చేసి గ్రాడ్యుయేట్స్ అవుతారు. వారిద్దరు కలిసి మెలిసి ప్రేమతో జీవిస్తుంటారు. ఒకరిపై మరొకరికి ఉండే ప్రేమను మరింత తెలుసుకొనేందుకు ప్రయత్నిస్తుంటారు. తన గతానికి సంబంధించిన తన మాటలను వినడంతో సరికొత్త సాహసయాత్ర మొదలవుతుంది. అదే ఆమెను వెంటాడుతున్న ప్రశ్నలకు సమాధానాలు వెతికేందుకు దోహదం చేస్తుంది. గతంలోని మాటలను పక్కన పెట్టే చేసినప్పటికీ.. అవి అలానే తనను వెంటాడుతుండటంతో చివరకు తనకు తెలియని జీవితాన్ని తెలుసుకొనేందుకు ముందుకెళ్తుంది అని అన్నారు.