Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
భారీ అప్పుల్లో ప్రియాంక చోప్రాకు కాబోయే మామ!
Recommended Video
బాలీవుడ్ బ్యూటీ ప్రియాంక చోప్రా త్వరలో అమెరికన్ సింగర్, నటుడు నిక్ జొనాస్ను పెళ్లాడబోతున్న సంగతి తెలిసిందే. ఇటీవలే వీరి ఎంగేజ్మెంట్ ముంబైలో గ్రాండ్గా జరిగింది. అంతా సవ్యంగా సాగుతున్నప్పటికీ... ప్రియాంక త్వరలో అడుగు పెట్టబోయే అత్తారింటికి సంబంధించిన ఓ వార్త చర్చనీయాంశం అయింది.
నిక్ జొనాస్ తండ్రి... పాల్ జొనాస్ అమెరికాలో రియల్ ఎస్టేట్ కంపెనీ రన్ చేస్తున్నారు. వీరి వ్యాపారం ఇపుడు భారీ నష్టాల్లో ఉందట. దాదాపు 1 మిలియన్ డాలర్ అప్పుల్లో కూరుకుపోయిందట. దీంతో పాటు ఓ కేసు కారణంగా దాదాపు రెండున్నర లక్షల డాలర్లకుపైగా నష్టపోవాల్సి వచ్చిందట.
అప్పుల విషయం హాట్ టాపిక్
ఇంటర్నేషనల్ హాలీవుడ్ వెబ్ సైట్ టిఎంజెడ్ కథనం ప్రకారం... ఆ అప్పుల కారణంగా తన ఆస్తుల్లో కొన్నింటిని పాల్ జొనాస్ కోల్పోనున్నట్లు టాక్. పాల్ త్వరలో ప్రియాంకకు కాబోయే మామగారు కావడంతో ఈ విషయం ఇండియన్ మీడియాలో సైతం హాట్ టాపిక్ అయింది.
నిక్ జొనాస్
ఆ సంగతి పక్కన పెడితే ప్రియాంకను పెళ్లాడబోయే నిక్ 2013 వరకు తన సోదరులతో కలిసి చాలా ఆల్బమ్స్ చేశాడు. వీరి రికార్డ్స్ ప్రపంచ వ్యాప్తంగా భారీగా అమ్ముడయ్యాయి. వీరి బ్యాండ్ బ్రేకప్ అయిన తర్వాత నుండి ముగ్గురు సోదరులు ఎవరికి వారు సొంతగా తమ ఇమేజ్ పెంచుకునే ప్రయత్నంలో ఉన్నారు.
నటుడిగా నిక్ ప్రయత్నాలు
ఇప్పటి వరకు నిక్ జొనాస్ దాదాపు 25 మిలియన్ డాలర్లు సంపాదించాడట. ఇందులో ఎక్కువ శాతం సోలో ఆర్టిస్టుగా సంపాదించినవే. ఇటీవల వచ్చిన ‘జుమాంజి' సినిమాలో నటించిన నిక్ నటుడిగా కూడా తన కెరీర్ మలుచుకునే ప్రయత్నంలో ఉన్నట్లు తెలుస్తోంది.
వివాహం ఎప్పుడు?
కాగా... ప్రియాంక చోప్రా, నిక్ జొనాస్ వివాహం వచ్చే ఏడాది యూఎస్ఏలో జరిగే అవకాశం ఉంది. ప్రియాంక చోప్రా ప్రస్తుతం తన దృష్టంతా హాలీవుడ్ కెరీర్ మీదనే పెట్టింది. ఇండియాలో సినిమాల సంఖ్య కూడా చాలా తగ్గించేసింది. భవిష్యత్లో ఈ బ్యూటీ యూఎస్ఏలో సెటిలయ్యే అవకాశం కనిపిస్తోంది.