హోమ్

హాలీవుడ్

ప్రపంచ సంగీత ప్రపంచానికి అత్యుత్తమ పురస్కారం గ్రామీ అవార్డు, పాప్ ప్రపంచంలో అత్యుత్తమంగా నిలిచిన దివంగత మైఖేల్ జాక్సన్ కు ఘన నివాలి అర్పించేందుకు సిద్ధం అవుతోంది. జనవరి 31న జరిగే ఈ అవార్డుల ప్రధాన కార్యక్రమంలో మైఖేల్ జాక్సన్ చేసిన చిట్టచివరి 3-డి వీడియోను ప్రదర్శించనున్నట్టు వారు ప్రకటించారు. గత సంవత్సరం జులై లో లండన్ లో జరగాల్సిన మైఖేల్ పాప్ షో కోసం ఆయన రూపొందించిన 3-డి వీడియోను ఈ కార్యక్రమంలో ప్రదర్శించాలని వారు నిర్ణయించారు. ఈ వీడియోతో తాను పాప్ ప్రపంచంలోకి రీ-ఎంట్రీ ఇవ్వనున్నట్టు ఆయన తీసారు. ఈ 3-డీ వీడియోను జులై లో జరగాల్సిన షో ప్రదర్శించాలనుకున్నారు, కానీ జూన్ 25న మైఖేల్ హఠాన్మరణంతో ఆ షో ఆగిపోయిన సంగతి తెలిసింది.

మైఖేల్ చేసిన ఈ చిట్టచివరి వీడియోలో కొంత భాగాన్ని డాక్యుమెంటరీ చిత్రం 'దిస్ ఈజ్ ఇట్'లో చూపించారు. ఈ అవార్డుల కార్యక్రమంలో పూర్తివీడియోను చూపించనున్నట్టు గ్రామీ అవార్డు కార్యక్రమ కో-ప్రొడ్యూసర్ కెన్ ఎన్ల్రిచ్ తెలిపారు. ఇదే వేదికపై పాప్ రారాజు మైఖేల్ కు లైఫ్ టైమ్ అచీవ్ మెంట్ అవార్డును ప్రధానం చెయ్యనున్నారని విశ్వసనీయ సమాచారం.