భారతీయుల కోసం గొంతు సవరించుకోనున్న హాలీవుడ్ సింగర్..!!

గ్రామీ అవార్డులకు నామినేట్ అయిన ప్రముఖ హాలీవుడ్ సింగర్ లిస్బెత్ స్కాట్ ఓ భారతీయ సినిమాకు గాత్రం అందించేందుకు అంగీకరించింది. లాహోర్ పేరుతో రూపొందుతున్న ఈ బాలీవుడ్ సినిమా కోసం ఆమె ఓ పాట పాడనుంది. వ్యానీ షార్ప్ సంగీతం అందిస్తున్న ఈ చిత్రం భారత్-పాకిస్తాన్ ల మధ్య గల సంబంధం గురించి తీస్తున్నారు.

ఇంతకు ముందు అవతార్, షెర్లాక్ హాల్మస్, ట్రాన్స్ ఫార్మర్స్, ఇండియానా జోన్స్ వంటి సూపర్ హిట్ చిత్రాలకు పాటలు పాడిన ఈమె లాహోర్ కథను వినగానే ఉద్వేగానికి లోనయ్యారట. ఖచ్చితంగా ఈ సినిమా కోసం పాడతానని మాటిచ్చారట. ఈ పాట ఖచ్చితంగా ప్రేక్షకుకులకు ఓ అనిర్వచనీయమైన అనుభూతిని కలిగిస్తుందని సినిమా దర్శకుడు సంజయ్ అభిప్రాయపడ్డారు.

వార్నర్ బ్రదర్స్ సంస్థ వారు పంపిణీ చేస్తున్న ఈ చిత్రం భారీ అంతనాల మధ్య మార్చి 19న విడుదల కానుంది.