హోమ్

హాలీవుడ్

లాస్ ఏంజిల్స్: హాలీవుడ్ స్టార్ హీరోయిన్ క్రిస్టినా స్టివార్ట్ నటించిన తాజా చిత్రం 'స్నో వైట్ అండ్ ద హాంట్స్ మ్యాన్' సినిమా గురించి ఇటీవల ఓ ప్రముఖ మ్యాగజైన్‌కు ఇచ్చిన ఇంటర్యూలో మాట్లాడుతూ ఈ సినిమాలో నేను స్నో వైట్ పాత్రను పోషించడం జరిగింది. ఈ పాత్ర దృష్ట్యా నేను గుర్రపు స్వారీ చేయాల్సి ఉంది. ఐతే ఈ సినిమాలో నేను చేసిన ఈ గుర్రపు స్వారీ సీన్లు చేయడం హేయమైన విధంగా అనిపించిందని చెప్పారు.

ఈ సినిమాకు బ్రిటిష్ డైరెక్టర్ రూపర్ట్ సాండర్స్ దర్శకత్వం వహించగా.. క్రిస్టినా స్టివార్ట్‌తో పాటు ఈ సినిమాలో ఛార్లీ థెరాన్, క్రిస్ హోమ్స్ వర్త్, సామ్ క్లాఫిన్ లాంటి మహామహులు నటించారు. 22 సంవత్సరాల వయసు కలిగిన క్రిస్టినా స్టివార్ట్ ఈ చిత్రంలో గుర్రపు స్వారీ భాగం చెత్తగా ఉందని అన్నారు. గుర్రం మరియు రైడర్ మధ్య డైనమిక్ సరిగ్గా లేదని అన్నారు. ఐతే గుర్రం పరిగెత్తడాన్ని మాత్రం బాగా ఆస్వాదించానని అన్నారు.

'స్నో వైట్ అండ్ ద హాంట్స్ మ్యాన్' సినిమా గుర్రపు సీన్లు అదిరిపోయాయని, గుర్రం సముద్రతీరంలో పరిగెత్తే సన్నివేశాలు అధ్బుతంగా వచ్చాయని.. ఈ సినిమా యూనిట్ అంతా ఆ సన్ని వేశాలను బాగా ఎంజాయ్ చేశామని అన్నారు. నా వరకైతే మాత్రం గుర్రపు స్వారీ కొంచెం ఇబ్బందికి గురి చేసిందని తెలిపారు. అంతక ముందు ట్విలైట్ సిరిస్‌లలో క్రిస్టినా స్టివార్ట్ బెల్లా స్వాన్ అనే పాత్రను పోషించారు.