200 మిలియన్ డాలర్లు వసూలు చేసిన సినిమా..!!

ప్రముఖ పాప్ సింగర్ దివంగత మైఖేల్ జాక్సన్ సినిమా 'దిస్ ఈజ్ ఇట్' రికార్డు స్థాయిలో బాక్సాఫీసు వద్ద వసూలు చేసిన సంగతి తెలిసిందే. కాగా తాజా బాక్సాఫీసు రిపోర్టు ప్రకారం ఈ సినిమా వసూల్లు 200 మిలియన్ డాలర్లను మించిపోయాయి. తన చివరి లండన్ షో కోసం మైఖేల్ జాక్సన్ ప్రాక్టీసు చేసిన వీడియోలను డాక్యుమెంటరీగా రూపొందించిన ఈ సినిమా విడుదలయినప్పటినుండీ రికార్డులను బద్దలుకొడుతూ ముందుకు దూసుకుపోతోంది. 100 నిమిషాల నిడివి గల ఈ సినిమాను యుయస్ లో తొలుత రెండు వారాలు ప్రదర్శించాలని నిర్ణయించినప్పటికీ, ఆ తర్వాత సినిమాకు వస్తోన్న ఆదరణను బట్టి డిసెంబరు తొలి వారం వరకూ కొనసాగించాలని నిర్ణయించారు.