No Time To Die update: రిలీజ్‌కు ముందే రికార్డుల మోత.. మొదలైన జేమ్స్‌బాండ్ 007 ఫీవర్

జేమ్స్ బాండ్ సినిమాల నిడివి

జేమ్స్ బాండ్ కథా నేపథ్యం ఉన్న చిత్రాల్లో నడివి ఎక్కువగా ఉండదు. కానీ గతంలో 2015లో బాండ్ 007 పాత్రలో డేనియల్ క్రేగ్ నటించిన స్పెక్ట్రే మూవీ చిత్రం ఎక్కువ నిడివి ఉన్న చిత్రంగా అంటే 148 నిమిషాలు, అలాగే 2008లో విడుదలైన క్వాంటమ్ ఆఫ్ సొలేస్ చిత్రం అతి తక్కువ నిడివి ఉన్న చిత్రంగా సుమారు 106 నిమిషాలతో రికార్డు సృష్టించాయి.

నో టైమ్ టూ డై రన్ టైమ్

ప్రస్తుతం జేమ్స్ బాండ్ చిత్రాల్లో అతి ఎక్కువగా నిడివి ఉన్న చిత్రంగా నమోదైన స్పెక్ట్రే రికార్డును నో టైమ్ టూ డై అనే చిత్రం తిరగరాయబోతున్నదట. ఈ చిత్రం నిడివి సుమారు 163 నిమిషాలు. అంటే దాదాపు మూడు గంటలపాటు ఈ సినిమా రన్ ఉంటుందనేది స్పష్టమైంది. కానీ ఈ సినిమా నిడివి విషయంపై యూనివర్సల్ పిక్చర్స్ ధృవీకరించలేదు.

తక్కువ వయసులో గాయనిగా

ఇక నో టైమ్ టూ డై చిత్రానికి సంబంధించి మరో విశేషమేమిటంటే.. బిల్లీ ఇలీష్ అనే గ్రామీ అవార్డు విన్నర్ ఓ పాటను పాడారు. ఈ సింగర్ వయసు కేవలం 18 సంవత్సరాలు కావడం మరో విశేషం. జేమ్స్ బాండ్ సినిమా కోసం పనిచేసిన అతి తక్కువ వయసు ఉన్న ఆర్టిస్టుగా బిల్లీ ఐలీష్ ఘనతను సాధించింది. ఇటీవల బిల్లీ సోషల్ మీడియాలో షేర్ చేసిన పాట విస్తృతంగా ప్రేక్షకాదరణ సొంతం చేసుకొన్నది.

Recommended Video

James Bond Hero Daniel Craig Couple Have A Baby Girl | Filmibeat Telugu

ఇండియాలో రిలీజ్ ఎప్పుడంటే..

ఇక నో టైమ్ టూ డై సినిమా రిలీజ్ విషయానికి వస్తే.. మార్చి 31న ఇంగ్లాండ్‌లో, ఏప్రిల్ 8వ తేదీన ఆస్ట్రేలియాలో, ఏప్రిల్ 10న అమెరికాలో రిలీజ్ కానున్నది. ఇండియాలో బాండ్ సినిమాలకు ఉన్న ఆదరణ బట్టి ఈ సినిమాను ఏప్రిల్ 2వ తేదీన రిలీజ్ చేస్తున్నారు. ఈ చిత్రంలో డేనియల్ క్రేగ్ సరసన రామీ మాలేక్ నటిస్తుండగా.. బెన్ విషా విలన్‌గా, లీ సెడక్స్, నోమీ హ్యారీస్ కీలక పాత్రల్లో నటిస్తున్నారు.