హోమ్

హాలీవుడ్

ఇటీవల అమెరికాలోని లాస్ ఏంజిల్స్ లోని నోకియా థియేటర్ లో అమెరికన్ మ్యూజిక్ అవార్డుల ప్రధానోత్సవ కార్యక్రమం జరిగిన సంగతి తెలిసిందే. ఈ మ్యూజిక్ అవార్డుల ప్రధానోత్సవ కార్యక్రమంలో ప్రముఖ పాప్ తార జెన్నిఫర్ లోపెజ్ నృత్య ప్రదర్శన ఇచ్చింది. ఈ ఫర్ఫార్మెన్స్ లో ఒకానొక సందర్భంలో ఆమె డ్యాన్స్ చేస్తూ కాలు జారిపడ్డారు. కానీ వెంటనే తేరుకొని ప్రదర్శనను కొనసాగించారు.

ఈ విషయమై ఇటీవల ఓ రేడియో ఇంటర్యూలో అడుగగా "అవునా నేను కిందపడ్డానా!! అయినా అది పడటం కాదు, నృత్యంలో ఓ భఆగం మాత్రమే అని నవ్వేసిందట". ఇకనైనా విమర్శకులు తను ఏవిధంగా కింద పడ్డా కవర్ చేసానో తెలుసుకోండని, తనపై విమర్శలు చెయ్యకండని తెలిపింది. కాగా ఈ కార్యక్రమంలో భాగంగా జెన్నిఫర్ లోపెజ్ తో పాటు లేడీ గాగా, రిహాన్నా, షకీరా తదితరులు ఇచ్చిన ప్రదర్శనలు ఆహుతులను అలరించాయి.