మాజీ భార్య మీద రూ. 370 కోట్ల పరువు నష్టం దావా వేసిన హీరో!

ఖండిస్తూ వచ్చిన జానీ డెప్

అంబర్ హియర్డ్‌ తన భర్త చేతిలో తీవ్ర హింసకు గురైందనే వార్తలకు సరిపడా కొన్ని సాక్ష్యాలు కూడా మీడియాలో సర్క్యులేట్ కావడంతో ఆమెకు అభిమానుల నుంచి కూడా మద్దతు లభించింది. అయితే తనపై వచ్చిన ఆరోపణలను జానీ డెప్ ఖండిస్తూ వచ్చారు.

రూ. 370 కోట్ల పరువు నష్టం

మూడేళ్ల తర్వాత జానీ డెప్ తన మాజీ భార్య అంబర్ మీద తాజాగా 50 మిలియన్ డాలర్ల(రూ. 347 కోట్లు) పరువు నష్టం కేసు వేశాడు. ఆమె చేసిన ఆరోపణల్లో నిజం లేదని, ఆమె వల్ల తాను చాలా ఇబ్బంది పడ్డానని, తనపై అంబర్ దాడి కూడా చేసిందంటూ ఆధారాలతో సహా కేసు పెట్టాడు.

జానీ డెప్ లా సూట్లో పేర్కొన్న వివరాలు ఇవే

అంబర్ హియర్డ్‌ తనపై దాడి చేసిందని, తన వేలిని కత్తించిందని తన లా సూట్లో జానీ డెప్ ఆరోపించారు. వోడ్కా బాటిల్ విసరడంతో తన వేలికి తీవ్రగాయం అయిందని, ఎముక విరిగినట్లు తెలిపారు. బెడ్ మీద ఉన్నపుడు తనపై పిడిగుద్దులతో దాడి చసినట్లు పేర్కొన్నారు.

మే 2016లో సంఘటన

మే 2016లో ఈ సంఘటన చోటు చేసుకుందని, ఆ సమయంలో సెక్యూరిటీ సిబ్బంది కూడా అక్కడే ఉన్నారని జానీ డెప్ వాదిస్తున్నారు. అందుకు తగిన సాక్ష్యాలు కూడా సమర్పించాడు. మరి ఇప్పుడు ఈ కేసు ఎలాంటి మలుపు తిరిగుతుందో అని అంతా ఆసక్తిగా ఎదురు చూస్తున్నారు.