'ఫైథాన్' ల నుండీ బయటపడ్డ స్టార్ మోడల్

ప్రముఖ హాలీవుడ్ మోడల్ క్యాటీ ప్రైజ్ ఎంతో ఆశక్తితో 'అయమ్ సెలబ్రిటీ గెట్ మీ అవట్ ఆఫ్ హియర్' అనే రియాలిటీ షోలో పాల్గొనడానికి ఆస్ట్రేలియా వెళ్లిన సంగతి తెలిసిందే. ఇంతకు ముందు కూడా ఈమె ఈ రియాలిటీ షో పాల్గొని అధిక మొత్తంలో నజరానా పొందిన సంగతి తెలిసిందే. కానీ ఈ సారి ఈ షోలో ఆమెకు అనుకోని విధంగా పెను సవాళ్లు ఎదురయ్యాయి. దీంతో ఆమె ఈ షో నుండీ బయటకు వచ్చేయాలని నిర్ణయించుకొందట. ఈ షో నిబంధనల ప్రకారం వీక్షకులు కోరిన విధంగా సెలబ్రిటీలు అడవిలో సాహసాలు చెయ్యాల్సివుంటుంది. కాగా ఈ మోడల్ కు ఈ సారి పెను సవాలే ఎదురైంది. పైథాన్ పాములు వున్న పెట్టెలో ఈమెను వెళ్లాల్సిందిగా వీక్షకులు కోరడంతో ఖంగుతిన్న క్యాటీ తనా సాహసం చెయ్యలేనని షో నుండీ నిష్క్రమిస్తున్నానని ప్రకటించింది.

ఈ షోలో ఇప్పటికే ఈమె ఈగల ఫ్రై, పురుగుల బర్గర్ లాంటివి తిని సాహసం చేసిందనే చెప్పాలి. కానీ ఈ భయానక సాహసానికి ఒడిగట్టలేకే ఈ షో నుండీ నిష్క్రమిస్తున్నట్టు ఆమె తెలిపారు. వీక్షకులు ఇచ్చిన ఈ సాహసాన్ని బట్టి చూస్తే వారు నన్ను చాలా అసహ్యించుకుంటున్నట్టు అర్థమవుతోందని ఆవెదన వ్యక్తం చేసినట్టు తెలిసింది.