Don't Miss!
- News ఎన్నికల ప్రచారానికి ఎన్టీఆర్ రెడీ..ట్వీట్ వైరల్
- Lifestyle ఈ బ్లడ్ గ్రూప్ దొరకడం చాలా కష్టం..కొంటే ధర ఎంతో తెలుసా..?
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
కారు ప్రమాదంలో గురైన కమెడియన్.. తీవ్ర గాయాలతో హాస్పిటల్లో..
హాలీవుడ్ నటుడు, కమెడియన్ కెవిన్ హార్ట్ రోడ్డు ప్రమాదంలో తీవ్రంగా గాయపడ్డారు. లాస్ ఎంజెలెస్కు సమీపంలో జరిగిన కారు ప్రమాదంలో కెవిన్ గాయపడటంతో హాలీవుడ్ నటులు తీవ్ర ఆందోళన వ్యక్తం చేస్తున్నారు. ఈ ప్రమాదంలో కెవిన్తోపాటు మరో ఇద్దరు స్నేహితులు కూడా గాయపడటం గమనార్హం. తీవ్రంగా గాయపడిన కెవిన్ వెంటనే ఆస్పత్రికి తరలించి చికిత్స అందిస్తున్నారు. వివరాల్లోకి వెళితే..
కాలిఫోర్నియా పోలీసుల ప్రకారం..
కాలిఫోర్నియా హైవే పెట్రోల్ పోలీసుల తెలిపిన ప్రకారం.. లాజ్ ఎంజెలెస్లోని ముల్హోల్లాండ్ హైవేలో ఆదివారం తెల్లవారు జామున కారు ప్రమాదం జరిగింది. ప్రమాదానికి గురైన సమయంలో అత్యాధునిక సాంకేతికతో రూపొందిన ప్లైమౌత్ బార్రాకుడా వింటేజ్ కారులో ఆయన ప్రయాణిస్తున్నారు. ఈ ప్రమాదంలో ఆయనకు వెన్నుముకకు బలమైన గాయమైనట్టు ప్రాథమిక పరీక్షల్లో వెల్లడైంది.
మితిమీరిన వేగం.. అదుపు తప్పడంతో
కారు ప్రమాదం జరిగినప్పుడు డ్రైవింగ్ సీట్లో తన డ్రైవర్ జారెడ్ బ్లాక్ ఉన్నారని, మితిమీరిన వేగంతో వెళ్తున్న సమయంలో అదుపుతప్పడంతో కారు ప్రమాదానికి గురైందని కాలిఫోర్నియా పోలీసులు తెలిపారు. ప్రమాదంలో గాయపడిన మరో వారిలో ఫిట్నెస్ మోడల్ రెబెకా బ్రాక్స్టర్ ఉన్నట్టు గుర్తించాం అని పేర్కొన్నారు.
ప్రమాదం జరిగిన వెంటనే
లాస్ ఎంజెలెస్ కారు సంఘటనలో గాయపడిన కెవిన్ హార్ట్, బ్లాక్, రెబెకా ముగ్గురు తీవ్రంగా గాయపడ్డారు. ప్రమాదం భారీగా జరగడంతో ఆ ముగ్గురు షాక్లోనే ఉన్నారు. వారిని వెంటనే సమీపం ఆస్పత్రిలో చేర్పించి చికిత్సనందిస్తున్నారు. వారి ఆరోగ్యానికి సంబంధించిన బులెటిన్ ఇంకా వైద్యులు విడుదల చేయలేదు అని మరో హాలీవుడ్ పత్రిక పేర్కొన్నది.
వివాదంతో ఆస్కార్కు దూరం
హాలీవుడ్లో ప్రముఖ కమెడియన్గా కెవిన్ హార్ట్ మంచి గుర్తింపు ఉంది. ది సీక్రెట్ లైఫ్ ఆఫ్ పెట్స్ అండ్ జుమాంజి చిత్రాల్లో ఆయన నటనకు మంచి ప్రేక్షకాదరణ లభించిన విషయం తెలిసిందే. 2019 ఆస్కార్ అవార్డుల కార్యక్రమానికి ఆయన హోస్ట్గా వ్యవహరించాల్సింది. హోమో సెక్సువాలిటీ అంశంలో ఓ వివాదాస్పద ట్వీట్ కారణంగా హోస్ట్గా తప్పుకోవాల్సి వచ్చింది.