Don't Miss!
- Sports LSG vs CSK: రప్ఫాడించిన రాహుల్... లక్నో ఘన విజయం
- News విశాఖ లోక్సభ పరిధిలో ఆ సామాజిక వర్గందే పెత్తనం..బొత్స ఝాన్సీకి కలిసొస్తుందా..?
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
నన్ను బంధించే కుట్ర.. అబార్షన్కు ప్రయత్నాలు.. కిమ్ కర్దాషియాన్పై భర్త ఆరోపణలు
అమెరికా అధ్యక్ష పదవి బరిలోకి దిగిన హాలీవుడ్ ర్యాపర్ కాన్యే వెస్ట్ వరుస ట్వీట్లతో కలకలం సృష్టించారు. తన భార్య కిమ్ కర్దాషియాన్పై ఆరోపణలు చేస్తూ మీడియాను ఆకర్షించాడు. మానసికంగా తాను సరిగా లేననే కారణంతో తనను బందీ చేసేందుకు ప్రయత్నిస్తున్నారు. నా జీవితం హాలీవుడ్ సినిమాను తలపిస్తుందని వరుస ట్వీట్లు చేయడంతో హాలీవుడ్ మీడియాలో చర్చనీయాంశమైంది. ఈ వివాదానికి రాజకీయాలు కేంద్ర బిందువుగా మారాయనే వాదన వినిపిస్తున్నది. ఇంతకు ఈ వ్యవహారంలో ఏం జరిగిందంటే..
యూఎస్ అధ్యక్ష ఎన్నికల బరిలోకి కాన్యే
నవంబర్లో ప్రారంభమయ్యే అమెరికాలో అధ్యక్ష ఎన్నికల ప్రక్రియకు గాయకుడు కాన్యే వెస్ట్ సిద్ధమవుతున్నాడు. ఏకంగా తన అభిమాన నాయకుడు డొనాల్డ్ ట్రంప్తో పోటీకి సిద్ధమవుతున్నాడు. అమెరికా అధ్యక్ష ఎన్నికల బరిలోకి దూకితే తాను మద్దతిస్తానని స్పేస్ ఎక్స్ అధినేత ఎలాన్ మస్క్ ప్రకటించడంతో యూఎస్ రాజకీయాల్లో ఊహించని పరిణామాలు చోటుచేసుకొన్నాయి. కాన్యేకు మద్దతుగా నిలుస్తామని మరొకొందరు పారిశ్రామిక వేత్తలు ముందుకు రావడంతో రాబోయే ఎన్నికలు రసవత్తరంగా మారాయి.
ప్రచారం ప్రారంభించిన మరుసటి రోజే రచ్చ
ఇలాంటి పరిస్థితుల్లో కాన్యే వెస్ట్ సోమవారం రోజున వరుస ట్వీట్లతో హల్చల్ చేశారు,. కాన్యే ఇలా ట్వీట్లు చేస్తున్నారనే అనుకొంటుండగానే ఆ ట్వీట్లను వెంటనే తొలగించారు. అమెరికా అధ్యక్ష పదవి ఎన్నికల కోసం సౌత్ కరోలినాలో ప్రచారం ప్రారంభించిన మరుసటి రోజే ఇలాంటి పరిణామం చోటుచేసుకోవడంతో ఏం జరుగుతున్నదనే ఆందోళన అభిమానుల్లో మొదలైంది.
నన్ను గదిలో బంధించే కుట్ర
కిమ్ కర్దాషియాన్ను అబార్షన్ చేసుకోవద్దని హెచ్చరించడం వల్లే నాకు నా భార్యకు గొడవ మొదలైంది. నన్ను గదిలో బంధించి డాక్టర్తో కలిసి పారిపోయేందుకు ప్రయత్నించింది. దాంతో నా కూతుళ్ల జీవితాన్ని కాపాడాలని ఏడ్చాను అంటూ కాన్యే ఓ ట్వీట్లో వెల్లడించారు. నాకు ఫోన్ చేసి నన్ను వెంటనే సంప్రదించండి అంటూ కిమ్, ఆమె తల్లిని వేడుకొంటూ ట్వీట్ చేశారు. ఆ ట్వీట్ను మరికొద్ది సేపటికే డిలీట్ చేయడంతో అనేక అనుమానాలు వ్యక్తమయ్యాయి.
మండేలా మాదిరిగా గృహ నిర్బంధం
ఒకవేళ నన్ను కూడా మండేలా మాదిరిగా బంధించే ప్రయత్నం జరుగుతుందా అనే అనుమానం కలుగుతున్నదని అన్నారు. గతంలో దక్షిణాఫ్రికాలో స్వేచ్ఛ, మానవ హక్కుల కోసం పోరాటం చేస్తున్న మండేలాను మూడు దశాబ్దాలపాటు గృహ నిర్బంధంలో ఉంచిన విషయాన్ని తనకు అన్వయించుకొన్నారు. తన మానసిక పరిస్థితి బాగాలేదనే కారణం చూపి డాక్టర్తో కలిసి బంధించే కుట్రకు కిమ్ తెర లేపుతున్నది అని కాన్యే ఆరోపణలు చేశారు.
గెట్ అవుట్ సినిమాకు ఏ మాత్రం తగ్గకుండా
నా జీవితానికి హాలీవుడ్ చిత్రం గెట్ అవుట్ మూవీకి సంబంధముంది. ఆ సినిమా నా జీవితం గురించే అనే విషయం అందరికి తెలిసిందే అంటూ ట్వీట్ చేశారు. అయితే రాజకీయాల్లోకి వెళ్లే విషయంలో కిమ్ కర్దాషియాన్కు మధ్య తలెత్తిన అభిప్రాయబేధాల వల్లే ఇదంతా జరిగిందనే అనుమానాలు వ్యక్తమవుతున్నాయి. అయితే తన మ్యూజిక్ ఆల్బమ్ను రికార్డుస్థాయిలో అమ్ముకోవడానికి కాన్యే వెస్ట్ చేస్తున్న పబ్లిక్ స్టంట్ అంటూ కొందరు విమర్శిస్తున్నారు.