హోమ్

హాలీవుడ్

'స్లమ్ డాగ్ మిలియనీర్' మన భారతీయులు మరచిపోలేని సినిమా.. అందని ద్రాక్షలా ఊరిస్తున్న ఆస్కార్ అవార్డుని అందేలా చేసిన సినిమా ఇది. జంట ఆస్కార్ లను రెహమాన్ ఇంటిముంగిట వాలేలా చేసిన ఈ సినిమా ఎంతటి విజయం సాధించిందో ప్రత్యేకంగా చెప్పనక్కర్లేదు. కాగా ఈ సినిమాలో ప్రేమికులుగా నటించిన జంట దేవ్ పటేల్, ఫ్రిదా పింటో లు అంతర్జాతీయంగా ఎంతో గుర్తింపును పొందారు. సినిమాలో ప్రేమికులుగా నటించిన వీరిద్దరూ నిజజీవితంలో కూడా ప్రేమలో పడ్డారట.

తొలుత ఈ వార్తలను ఖండించిన వీరు ప్రస్తుతం ఎలాంటి సంకోచం లేకుండా బాహాటంగా ఒప్పుకొంటున్నారట. ఐతే ఈ ప్రేమకథ ఎంత వరకూ సఫలం అవుతందనేదే మిలియన్ డాలర్ల ప్రశ్న. ఇదిలా వుంటే స్లమ్ డాగ్ మిలియనీర్ సినిమా యూరోపియన్ ఫిలిం అవార్డ్స్ లో ఐదు విభాగాల్లో నామినేషన్ పొంది తిరిగి తన సత్తాను చాటుకొంది.