అతను నన్నెంతగానో హింసించాడు..!!

ఆర్ అండ్ బి గాయని మారియా క్యారీ తన మాజీ బాయ్ ఫ్రెండ్ తనని ఎంతో బాధించాడని చెప్పింది. ఈ 39 ఏళ్ల గాయని ఇటీవల CNN ఛానెల్ లో వస్తున్న ల్యారీ కింగ్ లైవ్ షోలో మాట్లాడుతూ ఈ విషయాన్ని వెళ్లడించింది. అతనెంతగానో దూషించే వాడని శారీరకంగా, మానసికంగా ఎంతో వేధించాడని ఆవేదన వ్యక్తం చేసింది. అతను మానసికంగా గురిచేసిన ఇబ్బందులను తలచుకుంటే భయమేస్తుందని, అదంతా ఓ పీడ కలలా అనిపిస్తోందని పీపుల్స్ మ్యాగ్జయిన్ తో చెప్పినట్టు ఆ పత్రిక ఓ వార్తను ప్రచురించింది.

తనని తాను కట్టేసుకున్నట్టు అనిపించేదని, ఆ బంధం నుండీ బయటపడటానికి ఎంతో కష్టపడాల్సివచ్చిందని తన అనుభవాలను వివరించింది. తానొక తీగల్లో చిక్కుకున్న పావురంలా కొట్టుమిట్టాడానని, ఆ బంధం తన జీవితం లో ఓ చేదు నిజం అని చెప్పుకొచ్చింది.