హోమ్

హాలీవుడ్

హాలీవుడ్ అందాల నటి మరియు మోడల్ మేఘన్ ఫాక్స్ తాను తల్లి అయ్యేందుకు సిద్దం అని ప్రకటించింది. ఇక వివరాల్లోకి వెళితే మేఘన్ ఫాక్స్ ఎప్పటి నుండో తల్లి కావాలనే కోరికను తన భర్త బ్రియాన్ ఆస్టిన్ గ్రీన్ ద్వారా నెరవేర్చుకోనుంది. దీనికోసం గాను మేఘన్ ఫాక్స్ తన మోడలింగ్ రంగంతో పాటు సినిమా కెరీర్‌కి కొన్నాళ్లు స్వస్తి పలకనున్నట్లు తెలిపింది.

మేఘన్ ఫాక్స్‌కు చెందిన అధికార ప్రతినిధి మాట్లాడుతూ మేఘన్ ప్రస్తుతం చాలా బ్రూడీగా ఉంది. తన జీవితంలో ప్రస్తుతం కెరియర్ కంటే కుటుంబానికే ఎక్కువ ప్రాధాన్యం ఇస్తున్నట్లు.. బ్రియాన్‌తో కుటుంబాన్ని ప్రారంభించడానికి సిద్దంగా ఉన్నారని అన్నారు. ముప్పైలలో తన కెరియర్ ఏమీ వెనకకు వెళ్లే ప్రసక్తి లేదని.. ఒకవేళ తన కెరియర్ వెనక్కి వెళ్లినప్పటికీ.. తిరిగి ఎలా పుంజుకోవాలో తనకు బాగా తెలుసనని అన్నారు.

ఇటీవల సంవత్సరాలలో మేఘన్ ఫాక్స్‌ గమనించినట్లైతే తన తీరులో చాలా మార్పు వచ్చిందని అన్నారు. ఈ మార్పు మేఘన్ ఫాక్స్‌‌ని ఓ మంచి తల్లిగా ఉండేలా చేస్తాయని తెలిపాడు. ఇది ఇలా ఉంటే 2004లో బ్రైన్ ఆస్టన్ గ్రీన్ తో డేటింగ్ చేయడం మొదలు పెట్టి జూన్ 2010లో పెళ్సి చేసుకున్నారు. మేగన్ ఫాక్స్‌ని అభిమానులు అందరూ ముద్దుగా జూనియర్ ఏంజిలీనా జోలీగా అభివర్ణిస్తారు. 25 సంవత్సరాల వయసు కలిగిన మేగన్ ఫాక్స్ తనకు ఎంతో ఇష్టమైన హాలీవుడ్ ఒకప్పటి స్టార్ హీరోయిన్ మార్లిన్ మన్రో ఫోటోని తన కుడి చేతిపై టాటూగా వేయించుకోవడం జరిగింది.