30 ఏళ్లుగా సినీ తారలపై మానభంగాలు.. సినీ నిర్మాత‌ దారుణాలు వెలుగులోకి ఇలా!

తమపై లైంగిక దాడులంటూ..

2006లో తనపై లైంగిక దాడి చేశారంటూ మాజీ ప్రొడక్షన్ అసిస్టెంట్ మిమి హాలేయి నమోదు చేసిన కేసులోను, అలాగే 2013లో తనను రేప్ చేశారంటూ జెస్పికా మాన్ దాఖలు చేసిన కేసులో న్యూయార్క్ కోర్టు తీవ్రంగా స్పందించింది. పలు దఫాలు విచారించిన తర్వాత వెయిన్‌స్టెయిన్‌ను దోషిగా నిర్ధారించింది

ప్రొడక్షన్ అసిస్టెంట్ ఆరోపణలతో

హార్వేపై దాఖలైన లైంగిక దాడులు, రేప్ కేసులన్నింటిపై 2020 ఫిబ్రవరి 24వ తేదీన కోర్టు అతడిని దోషిగా ప్రకటించింది. ఈ కేసులో హార్వే ప్రొడక్షన్ అసిస్టెంట్‌ చేసిన ఆరోపణలను తీవ్రంగా పరిగణించింది. న్యూయార్క్‌లో తనను రేప్ చేశాడనే ఆరోపణలపై థర్డ్ డిగ్రీ శిక్షను అమలు చేయాలని కోర్టు ఆదేశించింది. ఈ కేసులో కోర్టు వెలువరించిన తీర్పు హాలీవుడ్ మీడియాలో సంచలనంగా మారింది.

కేసు దర్యాప్తు ఇలా..

రేప్ కేసు దాఖలైన నేపథ్యంలో 2018 మే 15వ తేదీన హర్వే వెయిన్‌స్టెయిన్‌ను న్యూయార్క్‌ పోలీసులు అరెస్ట్ చేశారు. 2020 జనవరి 6 తేదీన కేసు విచారణ మొదలైంది. లాస్ ఎంజెలెస్‌లో కూడా ఓ రేప్ కేసులో చార్ఝిషీట్‌ను దాఖలు చేశారు. దర్యాప్తు, సాక్షుల విచారణ అనంతరం ఫిబ్రవరి 24, 2020లో హార్వేను దోషిగా ప్రకటించారు. న్యూయార్క్‌లో నమోదైన మొత్తం ఐదు కేసుల్లో మూడింటిలో దోషిగా నిరూపించబడ్డారు.

Payal Rajput About #Metoo Movement And Casting Couch || Filmibeat Telugu

80 మంది మహిళలపై లైంగిక దాడి, రేప్

గత కొన్ని దశాబ్దాలుగా పలువురు ఔత్సాహిక తారలను వేషాలు, ఆఫర్ల పేరుతో మభ్యపెట్టి దారుణంగా హింసించారనే తీవ్రమైన ఆరోపణలు వెయిన్‌స్టెయిన్‌పై వచ్చాయి. ప్రముఖ హీరోయిన్లతోపాటు దాదాపు 80 మంది మహిళలను తమపై లైంగిక దాడి జరిపారని, అంతేకాకుండా రేప్‌ చేశారనే ఆరోపణలు చేయడంతో హాలీవుడ్‌లో ఈ కేసు సంచలనంగా మారింది.